କନକ ବ୍ୟୁରୋ: ଭାଙ୍ଗିଲା ବାଲେଶ୍ୱର ବାହାନଗା ସ୍କୁଲ । ବାହାନଗା ସ୍କୁଲରେ ଆଜି ବୁଲଡୋଜର ଚଢିଛି । ବାହାନଗା ଟ୍ରେନ ଦୁର୍ଘଟଣା ପରେ ଏହି ସ୍କୁଲରେ ମୃତଦେହ ଗୁଡ଼ିକ ରଖାଯାଇଥିଲା । ଯଦିଓ ଏବେ ଏଠାରେ ଶବ ନାହିଁ କିନ୍ତୁ ସେହି ବିଦ୍ୟାଳୟ କୋଠାକୁ ଭାଙ୍ଗି ଦିଆଯାଉଛି । ଆଜି ସ୍କୁଲର କିଛି ଘରକୁ ମାଟିରେ ମିଶାଇ ଦିଆଯାଇଛି । ତେବେ ଏହି ସ୍କୁଲକୁ ନେଇ ସ୍ଥାନୀୟ ଲୋକଙ୍କ ମନରେ ଭୟ ରହିଛି । ତେଣୁ ପିଲାମାନେ କିନ୍ତୁ ଏହି ସ୍କୁଲ ଆସିବାକୁ ରାଜି ନଥିବା ଜଣାପଡିଛି । ତେଣୁ ସ୍କୁଲ ଘର ଭାଙ୍ଗି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଲୋକଙ୍କ ଦାବିକୁ ଅଗ୍ରାଧିକାର ଦେଇ ସ୍କୁଲ ଭାଙ୍ଗି ନୂଆ କାମ କରିବାକୁ ଅନୁରୋଧ କରିଥିଲା ସ୍କୁଲ କମିଟି । କାରଣ ୭ଟି ଶ୍ରେଣୀଗୃହ ଓ ଡାଇନିଂ ହଲରେ ଶତାଧିକ ମୃତଦେହ ରହିଥିଲା । ଏବେ ବି ସେହି କାନ୍ଥରେ ରକ୍ତରଛିଟା ରହିଛି । ତେଣୁ ପିଲାମାନଙ୍କ ମନରେ ଭୟ ଓ ନକରାତ୍ମକ ଭାବ ସୃଷ୍ଟି ହେବାର ସମ୍ଭାବନା ରହିଛି । ଗତକାଲି ଠାରୁ ସ୍କୁଲ ଘର ଭଙ୍ଗା କାମ ଆରମ୍ଭ ହୋଇଛି ।