ଉତ୍ତରପ୍ରଦେଶର ବୁଲନ୍ଦସହରକୁ ତୀର୍ଥଯାତ୍ରା ପାଇଁ ଗୋଟିଏ ପରିବାରର ୪ ଜଣ ମହିଳା ଏବଂ ୩ ଜଣ ଛୋଟପିଲା ଆସିଥିଲେ । ଶୁକ୍ରବାର ରାସ୍ତାକଡରେ ଶୋଇଥିବା ସମୟରେ ଦ୍ରୁତଗତିରେ ମାଡି ଆସୁଥିବା ବସ୍ ଟି ୭ ଜଣଙ୍କ ଉପରେ ଚଢିଯାଇଥିଲା । ଏହି ଦୂର୍ଘଟଣାରେ ୭ ଜଣଙ୍କ ଜୀବନ ଚାଲିଯାଇଛି ।

Advertisment

ସୂଚନା ଅନୁସାରେ , ପୀଡିତ ହାଥରସ୍ ର ବୋଲି ଜଣାପଡିଛି । ଗଙ୍ଗାନଦୀରେ ସ୍ନାନ କରିବା ପରେ ନରୋରା ଘାଟ ଫେରିଥିଲେ । ଦୂର୍ଘଟଣା ଘଟାଇଥିବା ବେସରକାରୀ ବସଟି ବୈଷ୍ଣୋଦେବୀରୁ ତୀର୍ଥଯାତ୍ରୀଙ୍କୁ ଧରି ଫେରୁଥିଲା । ପୋଲିସ୍ କହିବାନୁସାରେ , ଦୂର୍ଘଟଣା ଘଟାଇବା ପରେ ଗାଡି ଚାଳକ କେଉଁଆଡେ ଫେରାର୍ ହୋଇଯାଇଛି । ୭ ଟି ଶବକୁ ବ୍ୟବଚ୍ଛେଦ ପାଇଁ ପଠାଇ ଦିଆଯାଇଛି ।