ନୂଆ ଗ୍ରାହକଙ୍କ ପାଇଁ ବିଏସଏନଏଲ ଆଣିଲା ୪୭ ଟଙ୍କିଆ ପ୍ଲାନ । ଡାଟା ସହ ପାଆନ୍ତୁ ଅସୀମିତ କଲିଂ ସୁବିଧା
କନକ ବ୍ୟୁରୋ : ଜିଓ, ଭୋଡାଫୋନ୍ ଓ ଭାରତୀ ଏୟାରଟେଲକୁ ଟକ୍କର ଦେବାକୁ ଭାରତ ସଂଚାର ଲିମିଟେଡ (ବିଏସଏନଏଲ) ଶନିବାର ଦିନ ଦେଶର ସବୁଠାରୁ ଶସ୍ତା ପ୍ଲାନର ଶୁଭାରମ୍ଭ କରିଛି । କମ୍ପାନୀ ପକ୍ଷରୁ ଆରମ୍ଭ ହୋଇଥିବା ଏହି ୪୭ ଟଙ୍କିଆ ପ୍ଲାନରେ ଆପଣ ଅସୀମିତ ଭଏସ୍ କଲିଂ (ବିଏସଏନଏଲ ରୁ ବିଏସଏନଏଲ) , ଡାଟା ଓ ଏସଏମଏସ ଭଳି ସୁବିଧା ରହିଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଦେଶରେ ମୋବାଇଲ ସେବା ପ୍ରଦାନ କରୁଥିବା ଅନ୍ୟ କମ୍ପାନୀ ମାନଙ୍କର ଶସ୍ତା ପ୍ଳାନ ଠାରୁ ବିଏସଏନଏଲର ଏହି ପ୍ଲାନ ଆହୁରି ଶସ୍ତା ରହିଛି । ହେଲେ ଏହି ପ୍ଲାନ ପାଇଁ କମ୍ପାନୀ ତରଫରୁ କିଛି ସର୍ତ୍ତାବଳୀ ଲାଗୁ କରାଯାଇଛି । ଯେଉଁମାନେ ନୂଆ ଗ୍ରାହକ ହୋଇଥିବେ ଓ ପ୍ରଥମଥର ପାଇଁ ରିଚାର୍ଜ କରୁଥିବେ ସେହିମାନେ ହିଁ କେବଳ ଏହି ପ୍ଲାନରୁ ଲାଭ ଉଠାଇ ପାରିବେ । ଅନ୍ୟ କମ୍ପାନୀ ମାନଙ୍କ ଠାରୁ ବିଏସଏନଏଲର ଏହି ପ୍ଲାନ ସବୁଠାରୁ ଶସ୍ତା । ପୂର୍ବରୁ ଭାରତୀ ଏୟାରଟେଲ ଓ ଭୋଡାଫୋନ ଆଇଡିଆର ଫାଷ୍ଟ ରିଚାର୍ଜ ୯୭ ଟଙ୍କାରୁ ଆରମ୍ଭ ହେଉଥିବା ବେଳେ ଜିଓ ସିମର ପ୍ରାଇମ ସବକ୍ରିପସନ୍ ପାଇବା ପାଇଁ ଆପଣଙ୍କୁ ୯୯ ଟଙ୍କା ଦେବାକୁ ପଡୁଥିଲା ।
ବିଏସଏନଏଲର ଏହି ୪୭ ଟଙ୍କିଆ ଫାଷ୍ଟ ରିଚାର୍ଜ ପ୍ଲାନରେ ଗ୍ରାହକ ମାନେ ବିଏସଏନଏଲ ରୁ ବିଏସଏନଲକୁ ଅସୀମିତ କଲିଂ ସୁବିଧା ସହ ରୋମିଂ ସୁବିଧା ପାଇପାରିବେ । ଏହା ସହ ୨୮ ଦିନର ବୈଧତା ସହ ୧୪ ଜିବି ଡାଟା ବି କମ୍ପାନୀ ପକ୍ଷରୁ ଦିଆଯାଉଛି । ଅନ୍ୟପଟେ ଏହି ପ୍ଲାନ ରିଚାର୍ଜ କରିଥିବା ଗ୍ରାହକ ଦୈନିକ ୧୦୦ ଏସଏମଏସ ମଧ୍ୟ କରିପାରିବେ । ଫାଷ୍ଟ ରିଚାର୍ଜ ୪୭ କୁ ପ୍ରୋତ୍ସାହନମୂଳକ ଭାବେ ମାର୍ଚ୍ଚ ୩୧, ୨୦୨୧ ପର୍ଯ୍ୟନ୍ତ ରଖା ଯାଇଛି । ଏହି ପ୍ଲାନ ବର୍ତ୍ତମାନ ଚେନ୍ନାଇ ଓ ତାମିଲନାଡୁ ଟେଲିକମ ସର୍କଲରେ ନୂତନ ଗ୍ରାହକ ପାଇଁ ଉପଲବ୍ଧ ହେବ ବୋଲି କମ୍ପାନୀ ପକ୍ଷରୁ କୁହାଯାଇଛି ।