ଭାରତ ଆକାଶରେ ପାକିସ୍ତାନୀ ଡ୍ରୋନ୍: ଜମ୍ମୁ-କାଶ୍ମୀର କାଠୁଆ ଜିଲ୍ଲାରେ ଧରାପଡିଲା ପାକ୍ ଡ୍ରୋନ୍
ଅନ୍ତର୍ଜାତୀୟ ସୀମା ନିକଟ ହୀରାନଗରରେ ପାଟ୍ରୋଲିଂ ବେଳେ ଡ୍ରୋନକୁ ଖସେଇ ଦେଲେ ବିଏସଏଫ୍ ପାଟ୍ରୋଲିଂ ଟିମ
କନକ ବ୍ୟୁରୋ: ଚୀନ୍ ସହିତ ସୀମା ବିବାଦର ଖବର ଭିତରେ ଏବେ ପାକିସ୍ତାନ ଭାରତ ଆକାଶରେ ଗୁଇନ୍ଦାଗିରି କରିବାକୁ ଉଦ୍ୟମ କରିଛି । ଭାରତ ଆକାଶରେ ଦେଖିବାକୁ ମିଳିଛି ପାକିସ୍ତାନୀ ଡ୍ରୋନ୍ । ଜମ୍ମୁକାଶ୍ମୀର କାଠୁଆ ଜିଲ୍ଲାର ଅନ୍ତରାଷ୍ଟ୍ରୀୟ ସୀମାରେ ଏକ ପାକିସ୍ତାନୀ ଡ୍ରୋନକୁ ଗୁଳି ମାରି ଖସାଇ ଦେଇଛନ୍ତି ଭାରତୀୟ ଯବାନ । କାଠୁଆ ସେକ୍ଟରର ହିରାନଗରରେ ଏହି ଡ୍ରୋନ ଉଡୁଥିବାର ଦେଖିବାକୁ ମିଳିବା ପରେ ପଦ କ୍ଷେପ ନେଇଥିଲା ବିଏସଏଫର ପାଟ୍ରୋଲିଙ୍ଗ ଟିମ ।
Kanak News is now on WhatsApp
Join and get latest news updates delivered to you via WhatsApp
Looking at the kind of weapons that have been recovered, it seems whoever is responsible for this was trying to create a major incident. There is no doubt the drone came from Pakistan: NS Jamwal, Inspector General, Border Security Force (Jammu Frontier) https://t.co/GP0wTMvGCU pic.twitter.com/rSlwJ4WnBq
— ANI (@ANI) June 20, 2020
ଫଳରେ ଡ୍ରୋନଟି କ୍ଷେତ ଭିତରେ ଖସିପଡିଛି । ଏହାପରେ ଯେତେବେଳେ ବିଏସଏଫ ପକ୍ଷରୁ ଏହାର ଯାଂଚ କରାଗଲା ସେଥିରୁ ଅସ୍ତ୍ରଶସ୍ତ୍ର ଜବତ ହୋଇଥିବା ସେନା ପକ୍ଷରୁ କୁହାଯାଇଛି । ଆଜି ସକାଳ ପ୍ରାୟ ୫ଟା ୧୦ ମିନିଟ ସମୟରେ ରଥୁଆ ଅଂଚଳରେ ଏହି ଡ୍ରୋନଟି ଉଡୁଥିଲା । ଭାରତୀୟ ସେନାର ଉପସ୍ଥିତି ଜାଣିବା ପାଇଁ ପାକିସ୍ତାନୀ ସେନା ଏହି ଡ୍ରୋନର ବ୍ୟବହାର କରିଥାନ୍ତି । ଆଉ ହୀରାନଗର ସେକ୍ଟରରେ ସବୁବେଳେ ଆତଙ୍କବାଦୀ ଅନୁପ୍ରବେଶ କରିଥାନ୍ତି ।