ବିଏସଏଫର ବୋଲବମ୍ ସେବା। ରାସ୍ତାରେ ତମ୍ବୁ ଟାଣି ଥକି ପଡ଼ିଥିବା କାଉଡ଼ିଆଙ୍କ ଗୋଡ ମାଲିସ୍ କରୁଛନ୍ତି ଯବାନ
କନକ ବ୍ୟୁରୋ: ବିଏସଏଫ ଯବାନଙ୍କ ନିଆରା ସେବା । ଗୁପ୍ତେଶ୍ୱର ପୀଠରେ ଜଳାଭିଷେକ ପାଇଁ ଦୁରଦୁରାନ୍ତରୁ ଆସିଥିବା କାଉଡ଼ିଆ ମାନଙ୍କ ସେବା କରୁଛନ୍ତି ବିଏସଏଫ ଯବାନ । ରାସ୍ତାରେ ତମ୍ବୁ ଟାଣି ଥକି ପଡ଼ିଥିବା କାଉଡ଼ିଆ ମାନଙ୍କ ଗୋଡ଼ ମାଲିସ କରୁଥିବାର ଚିତ୍ର ମଧ୍ୟ ଏବେ ଚର୍ଚ୍ଚାର ବିଷୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ନକ୍ସଲ ଦମନ ପାଇଁ କୋରାପୁଟ ଜିଲ୍ଳାର ରାମଗିରିଠାରେ ମୁତୟନ ହୋଇଥିବା ବିଏସଏଫ ୧୩ ବାଟାଲିୟନର ଯବାନ ମାନେ ବୋଲବମ୍ ଭକ୍ତଙ୍କୁ ସେବା ଯୋଗାଇ ଦେଇଛନ୍ତି । ଶ୍ରାବଣ ସୋମବାରରେ ପାଣିଭାର ନେଇ ଆଘାତ ହୋଇଥିବା କାଉଡ଼ିଆ ଓ ଜନ ସାଧାରଣଙ୍କ ଚିକିତ୍ସା କରିବାରେ ଆଗେଇ ଆସିଛନ୍ତି ।
ନିଜର ଡ଼୍ୟୁଟି କରିବା ସହ ବୋଲବମ୍ ଭକ୍ତଙ୍କ ସେବା କରିଛନ୍ତି ବିଏସଏଫ ଯବାନ । ଚିକିତ୍ସା ପରେ ସେମାନଙ୍କୁ ଚା’ ଓ ଥଣ୍ଡା ପାନୀୟ ଦେଇ ଯାତ୍ରା ସଫଳ ପାଇଁ ମନସ୍କାମନା କରୁଛନ୍ତି । ଜଙ୍ଗଲ ଭିତରେ ଏପରି ସୁବିଧା ପାଇଁ ବୋଲବମ୍ ଭକ୍ତ ନିଜକୁ ଗର୍ବିତ ବୋଲି କହିଛନ୍ତି ।