ଭାରତ – ପାକିସ୍ତାନ ସୀମାରେ ବିଏସଏଫ୍ ଯବାନଙ୍କ ବଡ ସଫଳତା । ୩୦୦ କୋଟି ଟଙ୍କାର ହେରୋଇନ୍ ଜବତ୍

571

କନକ ବ୍ୟୁରୋ : ଭାରତୀୟ ସୀମା ସୁରକ୍ଷାବଳକୁ ବଡ ସଫଳତା ମିଳିଛି । ରାଜସ୍ଥାନ ବିକାନୋର ଜିଲ୍ଲା ସ୍ଥିତି ଭାରତ-ପାକିସ୍ଥାନ ଅର୍ନ୍ତରାଷ୍ଟ୍ରୀୟ ସୀମା ନିକଟରୁ ୫୬ କିଲୋ ୬୦୦ ଗ୍ରାମ ହେରୋଇନ୍ ଜବତ କରାଯାଇଛି । ଜବତ୍ ହୋଇଥିବା ହେରୋଇନର ଆନୁମାନିକ ବଜାର ମୂଲ୍ୟ ୩୦୦ କୋଟି ଟଙ୍କାରୁ ଅଧିକ ହେବ ବୋଲି କୁହାଯାଇଛି । ବିଏସଏଫ୍ ପକ୍ଷରୁ କୁହାଯାଇଛି କି, ଏହା ସବୁଠାରୁ ବଡ କାର୍ଯ୍ୟାନୁଷ୍ଟାନ ।

ଚୋରା ନିଶା ବେପାରୀ ମାନେ ସୀମା ସେପଟୁ ପିଭିସି ପାଇପ ଜରିଆରେ ଭାରତ ଭିତରକୁ ହେରୋଇନ ପଠାଇବାକୁ ଚେଷ୍ଟା କରୁଥିବା ବେଳେ ଅଧରାତିରେ ବିଏସଏଫ୍ ଯବାନ ମାନେ ମାଦକ ଦ୍ରର୍ବ୍ୟକୁ ଜବତ କରିବାରେ ସଫଳ ହୋଇଥିବା ବେଳେ ବେପାରୀମାନେ ଫେରାର୍ ହୋଇଯାଇଛନ୍ତି ।

ଏନେଇ ବିଏସଏଫ୍ ଆଇଜି ପୁଷ୍ପେନ୍ଦ୍ର ସିଂ କହିଛନ୍ତି କି, ସୀମାରେ ପାକିସ୍ତାନ ପଟୁ ଭାରତକୁ ମାଦକ ଦ୍ରର୍ବ୍ୟ ଯୋଗାଣ ହେଉଥିବା ନେଇ ସୂଚନା ଥିଲା । ତେଣୁ ସବୁ ଯବାନ ମାନେ ପ୍ରସ୍ତୁତ ଥିଲେ । ବୁଧବାର ରାତି  ୨ ଟାରେ ସାଜୁବାଲାର ବନ୍ଦଲି ପୋଷ୍ଟ ନିକଟରେ ଏଭଳି ମାଦକ ଦ୍ରର୍ବ୍ୟ କାରବାର ହେଉଥିବା ନେଇ ୧୨୭ ବାଟାଲିୟନକୁ ଆଭାସ ମିଳିଥିଲା । ଏହାପରେ ଯବାନ ମାନେ ଅନ୍ଧାର ଓ ତୋଫାନ ଭିତରେ  ହେରୋଇନ୍ ଜବତ କରିବାକୁ ସଫଳ ହୋଇଥିଲେ ବି ଚୋରା ବେପାରୀ ମାନେ ପଳାଇବାକୁ ସକ୍ଷମ ହୋଇଥିଲେ ।

ଏଭଳି ଘଟଣା ପରେ ଯବାନମାନେ ଚୋରଙ୍କୁ ଧରିବାକୁ ଉଦ୍ୟମ ଚଳାଇଥିଲେ । ଏହାପରେ ଉଚ୍ଚଅଧିକାରୀଙ୍କ ନିର୍ଦ୍ଦେଶରେ ପୋଲିସ ଅଧିକ୍ଷକ ପ୍ରିତୀ ଚନ୍ଦା, ବିଏସଏଫ୍ ଓ ଏନସିବି ପକ୍ଷରୁ ଘଟଣା ସ୍ଥଳରେ ଯାଂଚ କରାଯାଇଥିଲା । ଏହରାପରେ ବିଏସଏଫ୍ ଓ ପୋଲିସର ମିଳିତ ଅପରେଶନରେ ଗୁରୁବାର ଦିନ ସାଜୁବାଲା ଛକ ନିକଟରୁ ୨ ଜଣ ସଂଦିଗ୍ଧଙ୍କୁ ଗିରଫ୍ କରାଯାଇଛି ।

Comments are closed.