ଦିଲ୍ଲୀ ଦରବାରରେ ମୋଦିଙ୍କ ରାଜ୍ୟାଭିଷେକ ପାଇଁ ସମାରୋହ । ସେପଟେ ଗୁଜୁରାଟରେ ଷଡଯନ୍ତ୍ର ରଚୁଛି ପାକିସ୍ତାନ ।
କନକ ବ୍ୟୁରୋ : ଆଉ କିଛି ସମୟ ପରେ ଦିଲ୍ଲୀରେ ହେବ ନରେନ୍ଦ୍ର ମୋଦିଙ୍କ ରାଜ୍ୟଭିଷେକ । ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବେ ମୋଦି । ଅନ୍ୟପଟେ ନିଜ କୁଟ ଚକ୍ରାନ୍ତ ଜାରି ରଖିଛି ପାକିସ୍ତାନ । ମୋଦିଙ୍କ ଗୃହରାଜ୍ୟ ଗୁଜୁରାଟର କଚ୍ଛ ବୋର୍ଡର ଠାରେ ୨ ଜଣ ପାକିସ୍ତାନୀ ଅନୁପ୍ରବେଶ କରିବାକୁ ଚେଷ୍ଟା କରିଥିବା ଜଣାପଡିଛି । କିନ୍ତୁ ଏହି ଦୁଇ ପାକିସ୍ତାନୀଙ୍କ ସମେତ ଏକ ପାକ୍ ଜାହାଜକୁ ବିଏସଏଫ ଯବାନ କାବୁ କରିବାରେ ସଫଳ ହୋଇଛନ୍ତି । ତେବେ ଏହି ଘଟଣା ସାମ୍ନାକୁ ଆସିବା ପରେ ସୀମାରେ ସୁରକ୍ଷା ବ୍ୟବସ୍ଥାକୁ ଅଧିକ କଡାକଡି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି, ଏହା ପୂର୍ବରୁ ୨୦୦୮ରେ ହୋଇଥିବା ମୁମ୍ବାଇ ଆକ୍ରମଣରେ ସାମିଲ ଥିବା ଆତଙ୍କୀ ସମୁଦ୍ରପଥ ଦେଇ ଭାରତରେ ପ୍ରବେଶ କରିଥିଲେ । ସୂଚନା ଅନୁଯାୟୀ, ଆଉ କିଛି ସମୟ ପରେ ଅର୍ଥାତ ସନ୍ଧ୍ୟା ୭ଟାରେ ଭାରତର ଦ୍ୱିତୀୟ ପ୍ରଧାନମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ନରେନ୍ଦ୍ର ମୋଦି । ଆଉ ଏହି ଶପଥ ଗ୍ରହଣ ସମାରୋହରେ ଦେଶ ଦୁନିଆର ପାଖାପାଖି ୬,୫୦୦ ଅତିଥି ସାମିଲ ହେବେ । ତେବେ ଏହି ଉତ୍ସବକୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କୁ ନିମନ୍ତ୍ରଣ କରାଯାଇନାହିଁ । ତେବେ କୁହାଯାଉଛି, ପାକିସ୍ତାନକୁ ନିମନ୍ତ୍ରଣ ନକରି ମୋଦି ଏହି ସଙ୍କେତ ଦେଇଛନ୍ତି ଯେ, ଯଦି ଆତଙ୍କାବାଦୀଙ୍କ ବିରୋଧରେ ପାକିସ୍ତାନ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ନକରେ, ତେବେ ଭାରତ ପାକିସ୍ତାନ ସହ କୌଣସି ସମ୍ପର୍କ ରହିବ ନାହିଁ ।