ବାଂଲାଦେଶରେ ହିନ୍ଦୁମାନଙ୍କ ଉପରେ ଅତ୍ୟାଚାର : ମନ୍ଦିର ଭଙ୍ଗାରୁଜା । ଘରେ ନିଆଁ ଲଗାଇଲେ ଦୁର୍ବୁର୍ତ୍ତ   । ଦେଶ ଛାଡି ଚାଲିଯିବାକୁ ଧମକ

ଗତ କିଛିବର୍ଷ ଧରି ବାଂଲାଦେଶରେ ହିନ୍ଦୁମାନଙ୍କ ଉପରେ ଆକ୍ରମଣର ଖବର ସାମନାକୁ ଆସୁଛି । ଏବେ ନିକଟରେ ଏଠାରେ ବିଭିନ୍ନ ଜିଲ୍ଲାରେ ହିନ୍ଦୁ ଦେବୀ ସରସ୍ୱତୀଙ୍କ ପୂଜାପୀଠକୁ ଭଙ୍ଗାରୁଜା କରାଯାଇଥିବାର ଖବର ଆସିଛି ।  କେତେକ ସ୍ଥାନରେ ହିନ୍ଦୁମାନଙ୍କ ଉପରେ ଆକ୍ରମଣ ମଧ୍ୟ କରାଯାଇଥିଲା । କେତେକ ସ୍ଥାନରେ ହିନ୍ଦୁମାନଙ୍କୁ ଦେଶ ଛାଡିବାକୁ ଧମକ ଦିଆଯାଇଥିଲା ଏବଂ କେତେକ ସ୍ଥାନରେ ହିନ୍ଦୁମାନଙ୍କ ଘରେ ନିଆଁ ଲଗାଇ ଦିଆଯାଇଥିଲା ।

ହିନ୍ଦୁମାନଙ୍କ ଉପରେ ଅତ୍ୟାଚାରର ଖବର ବାଂଲାଦେଶରୁ ପ୍ରତିଦିନ ସାମନାକୁ  ଆସୁଛି ।  ଏହି କ୍ରମରେ, ପୁଣି ଥରେ କିଛି ସମାନ ଖବର ସାମ୍ନାକୁ ଆସିଛି । ଏଠାରେ ଗୋଟିଏ ସ୍ଥାନରେ କିଛି ଦୁର୍ବୁର୍ତ୍ତ ସରସ୍ୱତୀ ପୂଜା ମଣ୍ଡପ ଉପରେ ଆକ୍ରମଣ କରି ସରସ୍ବତୀ ମାତାଙ୍କ ପ୍ରତିମା ଭାଙ୍ଗି ଦେଇଥିଲେ । ଅନ୍ୟ ଏକ ମାମଲାରେ, କେତେକ ଇସଲାମ ମୌଳବାଦୀମାନେ  ହିନ୍ଦୁ ପରିବାରମାନଙ୍କୁ ଘର ଓ ଜମି ଛାଡ଼ିବାକୁ ଧମକ ଦେଇଥିଲେ । ଅନ୍ୟ ଏକ ମାମଲାରେ ମଧ୍ୟ ସରସ୍ୱତୀ ପୂଜା ମଣ୍ଡପ ଭାଙ୍ଗିବା ନେଇ ହିନ୍ଦୁ ଏବଂ ମୁସଲମାନ ଛାତ୍ରମାନଙ୍କ ମଧ୍ୟରେ ସଂଘର୍ଷ ହୋଇଥିଲା । କେବଳ ଏତିକି ନୁହେଁ, ଗୋଟିଏ ଅଞ୍ଚଳରେ କେତେକ ଆକ୍ରମଣକାରୀ ହିନ୍ଦୁଙ୍କ ଘରେ ନିଆଁ ଲଗାଇ ଦେଇଥିଲେ ।

ପ୍ରଥମ ମାମଲା ବ୍ରାହ୍ମଣବରିଆ ଜିଲ୍ଲାର ପାଇକପାରା ଅଞ୍ଚଳରୁ ଆସିଛି। ଏଠାରେ କିଛି ଅଜ୍ଞାତ ଦୁର୍ବୁର୍ତ୍ତ ସରସ୍ୱତୀ ପୂଜା ଚାଲିଥିବା ବେଳେ ମଣ୍ଡପ ଉପରେ ଆକ୍ରମଣ କରିଥିଲେ । ସେମାନେ ମାତା ସରସ୍ୱତୀଙ୍କ ମୂର୍ତ୍ତି ଭାଙ୍ଗି ଦେଇଥିଲେ । ଅଭିଯୋଗ ହୋଇଛି ଯେ ପୋଲିସ ଷ୍ଟେସନରେ ମାମଲା ପଞ୍ଜୀକୃତ ହୋଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ କି କାହାକୁ ଗିରଫ କରାଯାଇ ନାହିଁ । ଯେଉଁ କାରଣରୁ ବାଂଲାଦେଶର ହିନ୍ଦୁମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।

ଦ୍ୱିତୀୟ ଘଟଣା ପାଟୁଆଖାଲି ଜିଲ୍ଲାର। ଏଠାରେ ଘୁରଚକାଠୀ ଗ୍ରାମରେ କେତେକ ହିନ୍ଦୁ ପରିବାରଙ୍କୁ ଗାଁ ଛାଡି ଚାଲିଯିବାକୁ ଧମକ ମିଳିଛି ।  ଇସଲାମବାଦୀ ମହମ୍ମଦ ହାରୁନ ଏବଂ ଅଲ ଆମିନ ହିନ୍ଦୁ ପରିବାରମାନଙ୍କୁ ଘର ଓ ଜମି ଛାଡ଼ିବାକୁ ଧମକ ଦେଇଥିଲେ । ସେମାନେ ଟଙ୍କା ଦାବି କରୁଛନ୍ତି। ସେମାନଙ୍କୁ ଦେଶ ଛାଡିବାକୁ ମଧ୍ୟ ଧମକ ଦେଇଥିଲେ ।

ତୃତୀୟ ଘଟଣା ଦିନାଜପୁର ଜିଲ୍ଲାରୁ ସାମ୍ନାକୁ ଆସିଛି । ଏଠାରେ କିଛି ମୁସଲମାନ ଛାତ୍ର ବାନଶେରହାଟରେ ଅବସ୍ଥିତ ହାଜି ଦାନେଶ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ବିଶ୍ୱବିଦ୍ୟାଳୟରେ ସରସ୍ୱତୀ ପୂଜା ମଣ୍ଡପକୁ ଭଙ୍ଗାରୁଜା କରିଥିଲେ । ଯେଉଁ କାରଣରୁ ହିନ୍ଦୁ ଏବଂ ମୁସଲମାନ ଛାତ୍ରମାନଙ୍କ ମଧ୍ୟରେ ସାମାନ୍ୟ ସଂଘର୍ଷ ହୋଇଥିଲା ।

ଚତୁର୍ଥ ଘଟଣା ବାଂଲାଦେଶର ଫିରୋଜପୁର ଜିଲ୍ଲାରୁ ସାମ୍ନାକୁ ଆସିଛି । ଏଠାରେ କିଛି ଅଜ୍ଞାତ ଆକ୍ରମଣକାରୀ ଡୁମୁରିଟାଲା ଶାରିକାଟାଲା ୟୁନିଅନର ହିନ୍ଦୁ ଘରେ ନିଆଁ ଲଗାଇ ଦେଇଥିଲେ। ଯେଉଁଥିପାଇଁ ସମୀର ସାହା ଏବଂ କାଲା ସାହାଙ୍କ ଘର ଜଳିପୋଡି ପାଉଁଶରେ ପରିଣତ ହୋଇଯାଇଛି ।  ସମୀର ସାହାଙ୍କ ଝିଅର ବିବାହ କିଛି ଦିନ ପରେ ହେବାକୁ ସ୍ଥିର ହୋଇଥିଲା । ଏହି ଘଟଣାରେ ସବୁକିଛି ଜଳି ପୋଡି ଯାଇଛି ।