ଖୋର୍ଦ୍ଧା ଜେଲ ଭିତରେ ଚାଲିଛି ବେଧଡ଼କ ନିଶା କାରବାର । ଅନ୍ତେବାସୀ ବ୍ରାଉନସୁଗାର ଖାଉଥିବାର ଭିଡିଓ ଭାଇରାଲ । ସୁରକ୍ଷା ନେଇ ଉଠିଲା ପ୍ରଶ୍ନ, ଭିଡିଓକୁ ନେଇ କରିଛି ଜିଲ୍ଲା ପ୍ରଶାସନର ତଦନ୍ତ ଆରମ୍ଭ ।

162

କନକ ବ୍ୟୁରୋ: ଧଳା ଜହର କାରବାରର ହବ ପାଲଟିଛି ଖୋର୍ଦ୍ଧା ଜେଲ । ଜେଲ ଭିତରେ ବେଧଡକ ନିଶା ସେବନ କରୁଛନ୍ତି ଅନ୍ତେବାସୀ । ଖୋର୍ଦ୍ଧା ଜିଲ୍ଲାରେ ବେଧଡକ ବ୍ରାଉନ ସୁଗାର କାରବାର ଚାଲିଥିବା ଖବର ଅନେକ ସମୟରେ ସାମ୍ନାକୁ ଆସିଛି । ପୁଲିସ ଓ ଅବକାରୀ ବିଭାଗ ମଧ୍ୟ ଚଢାଉ କରି କାରବାର କରୁଥିବା ବ୍ୟକ୍ତିଙ୍କୁ ଗିରଫ କରି ଜେଲରେ ରଖିଛି । ହେଲେ ଧଳା ଜହର କାରବାର ଉପରେ ରୋକ ଲାଗିପାରି ନାହିଁ ।

ଜେଲ ଭିତରେ ବି ଚାଲିଛି ନିଶା କାରବାର । ଖୋର୍ଦ୍ଧା ଜେଲରେ ଅନ୍ତେବାସୀ ବ୍ରାଉନ ସୁଗାର ସେବନ କରୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଜେଲ ଭିତରେ ନିଶା କାରବାର ଭିଡିଓ ସୋସିଆଲ ମିଡିଆରେ ଘୁରି ବୁଲିବା ପରେ ଜେଲ ସୁରକ୍ଷାକୁ ନେଇ ପ୍ରଶ୍ନ ଉଠିଛି । ତେବେ ଏହି ଭିଡିଓକୁ ନେଇ ତଦନ୍ତ ଆରମ୍ଭ କରିଛି ଜିଲ୍ଲା ପ୍ରଶାସନ ।

ଅନ୍ୟପଟେ କମିଶନରେଟ୍ ପୋଲିସ୍ ଆଖିରେ ଧୂଳି ଦେଇ ଯେଉଁଠି ଅପରାଧିମାନେ ସଜା କାଟୁଛନ୍ତି ସେଠାରେ କିଭଳି ଧଳା ଜହର କାରବାର ଚାଲୁଥିଛି? ଏବଂ ଏହା ପଛରେ ଅପରାଧିମାନଙ୍କ ସହ ପୋଲିସର ମଧୂଚନ୍ଦ୍ରିକା ରହିଛି କି? ନାଁ କିଛି ମୁଷ୍ଠିମେୟ ଅପରାଧିମାନେ ନିଜର ପତିଆରା ଜେଲର ଚାର କାନ୍ଥ ଭିତରେ ବି ଜାରି ରଖିଛନ୍ତି କି?

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.