ରାକ୍ଷୀ ପୂର୍ଣ୍ଣିମାରେ ଲିଭିଗଲା ଭାଇ ଭଉଣୀଙ୍କ ଜୀବନ ଦୀପ । ସମ୍ପର୍କର ସୂତା ବନ୍ଧା ସରିବା ପରେ ବଜ୍ରାଘାତରେ ଆଖିବୁଜିଲେ ଭାଇଭଉଣୀ । ରାକ୍ଷୀ ପୂର୍ଣ୍ଣିମାରେ ସୋରରୁ ଆସିଲା ଆଖିଭିଜା କାହାଣୀ…
କନକ ବ୍ୟୁରୋ: ରାକ୍ଷୀ ପୂର୍ଣ୍ଣିମାରେ ଲିଭିଗଲା ଭାଇ ଭଉଣୀଙ୍କ ଜୀବନ ଦୀପ । ସମ୍ପର୍କର ଖିଅ ବନ୍ଧା ହେବା ଆଗରୁ ଛିଡିଗଲା ସ୍ନେହର ସୂତା । ଭାଇ ଥିଲା, ଭଉଣୀ ବି ଥିଲା ହେଲେ ଭାଗ୍ୟ ଖେଳିଲା ବିଚିତ୍ର ଖେଳ । ରାକ୍ଷୀ ବାନ୍ଧି ସାରି ଭାଇ ଭଉଣୀ ଯେତେବେଳେ ଖୁସି ମଜା କରୁଥିଲେ ଠିକ ସେତିକି ବେଳେ ସମ୍ପର୍କକୁ ମାରିଦେଲା ସ୍ୱର୍ଗର ବିଜୁଳି । ଆଉ ନେଇଗଲା ଭାଇଭଉଣୀଙ୍କ ଜୀବନ ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱର ଜିଲ୍ଲା ଖନ୍ତାପଡା ଥାନା ମଣ୍ଡ ଗାଁରେ ଆଜି ରାକ୍ଷୀ ପୂର୍ଣ୍ଣିମାରେ ଘଟିଛି ଆଖି ଭିଜିଲା ଭଳି କାହାଣୀ । ଗାଁର ଭାସ୍କର ବେହେରାଙ୍କ ୧୨ ବର୍ଷର ଝିଅ ଆଶା ସେହି ଗାଁର ନିରଞ୍ଜନ ଦଳେଇଙ୍କ ୧୫ ବର୍ଷର ପୁଅ ସୁଶାନ୍ତଙ୍କ ହାତରେ ରାକ୍ଷୀ ବାନ୍ଧିବାକୁ ତାଙ୍କ ଘରକୁ ଯାଇଥିଲା । ହେଲେ ରାକ୍ଷୀ ବାନ୍ଧିସାରି ଭାଇ ଭଉଣୀ ଖାଉଥିବା ବେଳେ ହଠାତ ମାରିଥିଲା ବିଜୁଳି ଆଉ ବଜ୍ରାଘାତର ବଜ୍ର ପ୍ରହାରରେ ଭାଙ୍ଗିଗଲା ଭାଇଭଉଣୀଙ୍କ ବନ୍ଧନ । ଘଟଣାସ୍ଥଳରେ ଆଶା ଏବଂ ସୁଶାନ୍ତଙ୍କ ମୃତ୍ୟୁ ହୋଇଥିବା ବେଳେ ୨ ଗୁରୁତର ମେଡିକାଲରେ ଭର୍ତ୍ତି ହୋଇଛନ୍ତି । ତେବେ ରାକ୍ଷୀ ପୂର୍ଣ୍ଣିମାରେ ସମ୍ପର୍କର ସୂତା ଛିଡାଇ ଭାଇଭଉଣୀଙ୍କ ସହ ଭାଗ୍ୟ ଯେଉଁ ଖେଳ ଖେଳିଲା ତାହା ସମସ୍ତଙ୍କୁ ସ୍ତବ୍ଧ କରିଦେଇଛି ।