ଶିଶୁ ଭଗବାନ । କିନ୍ତୁ ଆତଙ୍କବାଦୀଙ୍କ ବିଚାରଧାରା, ନୈତିକତା ପାଖରେ ଏହାର ମୂଲ୍ୟ କିଛି ନଥାଏ । ବୁଦ୍ଧି, ବିବେକ, ବିଚାରଧାରା ଏମାନଙ୍କ ପାଖରେ ନାହିଁ ବୋଲି ଏମାନେ ଆତଙ୍କବାଦୀ । ଆତଙ୍କବାଦୀଙ୍କ ଟାର୍ଗେଟରେ ୪ବର୍ଷର ଶିଶୁ । କିନ୍ତୁ ଏହା କୌଣସି ସାଧାରଣ ଘରର ପିଲା ନୁହେଁ । ବ୍ରିଟେନ ରାଜକୁମାର ଉଇଲିୟମ ଓ କେଟ ମିଡଲଟନଙ୍କ ଚାରି ବର୍ଷର ପୁଅ ଜର୍ଜ ଆତଙ୍କବାଦୀ ସଂଗଠନ ଆଇଏସଆଇଏସର ହିଟଲିଷ୍ଟରେ ରହିଛି ବୋଲି ବ୍ରିଟେନ ଗଣମାଧ୍ୟମରେ ଚର୍ଚ୍ଚା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତମାସରେ ଜର୍ଜ ଯେ କି ବ୍ରିଟିଶ ରାଜପରିବାରର ତୃତୀୟ ପିଢୀ, କେନ୍ଦ୍ରୀୟ ଲଣ୍ଡନରେ ତାଙ୍କ କେସିଙ୍ଗଟନ ପ୍ୟାଲେସ ଘର ନିକଟସ୍ଥ ଏକ ପ୍ରାଥମିକ ବିଦ୍ୟାଳୟରେ ପଢା ଆରମ୍ଭ କରିଛନ୍ତି । ‘ଥୋମାସ ବାଟରସି’ ସ୍କୁଲ ନିକଟରେ ଜର୍ଜର ଗୋଟିଏ ଫଟୋ ସହ ସୁନ୍ଦର କ୍ୟାପସନ‘ସ୍କୁଲ ଷ୍ଟାର୍ଟସ ଆର୍ଲି ‘ଲେଖାଥିବା ଆଇଏସଆଇଏସ ଚ୍ୟାନେଲରେ ଦେଖାଯାଇଥିଲା ।
ଏହି ପୋଷ୍ଟରେ ଆରବ ଭାଷାରେ ମଧ୍ୟ କିଛି ଲେଖାଥିଲା ଯାହାର ଅର୍ଥ ହେଉଛି , ଯେତେବେଳେ ଗୁଳିଗୋଳାର ଶବ୍ଦ ସହ ଯୁଦ୍ଧ ଆରମ୍ଭ ହେଉଛି ଆ ମେ ସେତେବେଳେ ଅନ୍ଧବିଶ୍ୱାସକୁ ଛାଡି ଯୁଦ୍ଧ ପାଇଁ ପ୍ରସ୍ତୁତ ହେଉଛୁ ।ବ୍ରିଟିଶ ତଦନ୍ତକାରି ଅଧିକାରୀ ଏହି ଭାଷାକୁ ତଦନ୍ତ କରି ଜାଣିପାରିଛନ୍ତି ଯେ ଜର୍ଜକୁ ଆତଙ୍କବାଦୀମାନେ ଟାର୍ଗେଟ କରିଛନ୍ତି ।
ବ୍ରିଟିଶ ଇଂଟେଲଜେନସି ଅଧିକାରୀମାନେ ନିୟମିତ ଭାବେ ଆଇଏସଆଇଏସ ର ଗତିବିଧି ଉପରେ ନଜର ରଖିଛନ୍ତି । କିଛି ଦିନ ପୂର୍ବରୁ ଚୋରି ଅଭିଯୋଗରେ ଜଣେ ମହିଳାଙ୍କୁ ଗିରଫ କରାଯାଇଥିଲା । ମହିଳାଙ୍କ ଗିରଫ ପରେ ମେଟ୍ର୍ରୋପଲିଟାନ ପୋଲିସ ପକ୍ଷରୁ ସ୍କୁଲର ସୁରକ୍ଷା ବଢାଇଦିଆଯାଇଛି ।