କନକ ବ୍ୟୁରୋ : ଆପଣ କେବେ ଶୁଣିଛନ୍ତି କି କୌଣସି ବାଳିକା ନିଜ ତରଫରୁ ଜନ୍ମ କରାଇଥିବା ଡାକ୍ତରଙ୍କ ଉପରେ ମାମଲା ଦାଖଲ କରିପାରେ । ହଁ ଏହା ହିଁ ସତ୍ୟ । ବ୍ରିଟେନର ଜଣେ ୨୦ ବର୍ଷିୟା ବାଳିକା ଏଭଳି କରିଛନ୍ତି । ବାଳିକା ଜଣଙ୍କ ଦିବ୍ୟାଙ୍ଗ ହୋଇଥିବାରୁ ତାଙ୍କୁ ଜନ୍ମ କରାଇଥିବା ଡାକ୍ତରଙ୍କ ଉପରେ ମାମଲା ଦାଖଲ କରିଥିଲେ । ବାଳିକା ଜଣଙ୍କ ଦାବି କରିଛନ୍ତି କି ତାଙ୍କୁ ଜନ୍ମ କରାଇବାର ନଥିଲା । ଡାକ୍ତର ଚାହିଁଥିଲେ ତାଙ୍କ ଜନ୍ମକୁ ରୋକିପାରିଥାନ୍ତେ । ପ୍ରଥମେ ବାଳିକା ଜଣଙ୍କ ଏନେଇ କୋର୍ଟରେ ମାମଲା ଦାଖଲ କରିଥିଲେ ଓ କୋର୍ଟରୁ ବି ବାଳିକାଙ୍କ ସପକ୍ଷରେ ରାୟ ଶୁଣାଇଥିଲେ । କୋର୍ଟ ତାଙ୍କ ରାୟରେ ବାଳିକାକୁ ଜନ୍ମ କରାଇଥିବା ଡାକ୍ତରଙ୍କ ଉପରେ ଭାରତୀୟ ମୁଦ୍ରାରେ ୧ କୋଟି ଟଙ୍କା ଜରିମାନା ଲଗାଇଥିଲେ । ଏହି ଟଙ୍କା ଦିବ୍ୟାଙ୍ଗ ବାଳିକାର ସହାୟତା ପାଇଁ ଦେବାକୁ କୋର୍ଟ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
‘ଦ ସନ’ର ରିପୋର୍ଟ ମୁତାବକ ଶୋଜମ୍ପର ଏଭି ଟମ୍ବସ ନାମକ ଜଣେ ଦିବ୍ୟାଙ୍ଗ ବାଳିକା ତାଙ୍କୁ ଜନ୍ମ କରାଇଥିବା ଡାକ୍ତରଙ୍କ ନାମରେ ମାମଲା ରୁଜୁ କରିଥିଲେ । ସେ କହିଥିଲେ କି ତାଙ୍କ ମାଙ୍କୁ ଡାକ୍ତର ଉଚିତ ପରାମର୍ଶ ନଦେବାରୁ ସେ ବିକଳାଙ୍ଗ ହୋଇ ଜନ୍ମ ହୋଇଛନ୍ତି । ଏନେଇ ତାଙ୍କୁ ଜନ୍ମ କରାଇଥିବା ଡାକ୍ତର ଫିଲିପ ମିଶେଲଙ୍କୁ ଶୋଜମ୍ପର କୋର୍ଟକୁ ନେଇଥିଲେ । ସେ ଅଭିଯୋଗ କରିଥିଲେ କି ସେ ତାଙ୍କ ମାଙ୍କ ଗର୍ଭରେ ଥିବା ବେଳେ ତାଙ୍କ ମାଙ୍କୁ ଡାକ୍ତର ସଠିକ ପରାମର୍ଶ ଦେଇ ନଥିଲେ ।
ରିପୋର୍ଟ ମୁତାବକ ଏହି ମାମଲାର ଶୁଣାଣି କରି ଜଜ୍ ରେସଲିଣ୍ଡ କୋଏ କ୍ୟୁସି ବୁଧବାର ଦିନ ଲଣ୍ଡନ ହାଇକୋର୍ଟରେ ଐତିହାସିକ ରାୟ ଶୁଣାଇଥିଲେ । ବିଚାରପତି ଏଭିଙ୍କ ସମର୍ଥନରେ ରାୟ ଶୁଣାଇ କହିଥିଲେ କି ଯଦି ଡାକ୍ତର ଏଭିଙ୍କ ମାଙ୍କୁ ସଠିକ ପରାମର୍ଶ ଦେଇଥାନ୍ତେ ତେବେ ଏଭି ବିକଳାଙ୍ଗ ହୋଇ ଜନ୍ମ ହେବାରୁ ରକ୍ଷା ପାଇଯାଇଥାନ୍ତି । ଏନେଇ ସେ ଏଭିଙ୍କୁ ୧ କୋଟି ଟଙ୍କାର ସହାୟତା ଦେବାକୁ ଡାକ୍ତରଙ୍କୁ ନିର୍ଦ୍ଦେଶ ଦେଇଥିଲେ ।
ଅନ୍ୟପଟେ ଏଭିଙ୍କ ମା ବି ଡାକ୍ତରଙ୍କ ବିରୋଧରେ ଅଭିଯୋଗ କରିଥିଲେ । ସେ କହିଥିଲେ କି ଡାକ୍ତର ତାଙ୍କୁ ପରାମର୍ଶ ଦେଇଥିଲେ କି ଯଦି ତୁମେ ଭଲ ଖାଦ୍ୟ ଖାଉଛ ତେବେ ଫଲିକ ଏସିଡ ନେବା ଦରକାର ପଡିବ ନାହିଁ । ଡାକ୍ତରଙ୍କ ଏହି ପରାମର୍ଶ ପାଇଁ ଫଲିକ ଏସିଡ ନେବା ସେ ବନ୍ଦ କରିଦେଇଥିଲେ ଫଳରେ ତାଙ୍କ ଗର୍ଭରେ ଥିବା ପିଲାଟିର ସ୍ପାଇନାଲ କଡ ଡ୍ୟାମେଜ ହୋଇଯାଇଥିଲା ।