ବରମୁଣ୍ଡା ବସଷ୍ଟାଣ୍ଡରେ ଗୁଣ୍ଡାରାଜ୍ । ବସ୍ ମାଲିକଙ୍କ ଅଭିଯୋଗ, ଭରତ ପ୍ରଧାନ ମାଗୁଛି ଦାଦା ବଟି, ଟଙ୍କା ନଦେଲେ ବସରେ ଯାତ୍ରୀ ଚଢ଼ାଇ ନଦେବାକୁ ଧମକ୍ । ସେପଟେ ଗ୍ୟାଙ୍ଗଷ୍ଟାର ରାଜା ଆଚର୍ଯ୍ୟ ବିରୋଧରେ ଏନ୍ଏସ୍ଏ ଲାଗୁ କରିବାକୁ ସଜବାଜ, କମିଶନରେଟ୍ ପୁଲିସ୍ ଜାରି କଲା ହେଲ୍ପ ଲାଇନ୍ ନମ୍ବର ।

246

କନକ ବ୍ୟୁରୋ : ବସ ମାଲିକଙ୍କ ଅଭିଯୋଗ ଦାଦାବଟି ମାଗୁଛନ୍ତି ଦାଦା । ନହେଲେ କହୁଛନ୍ତି ବସରେ ପାସେଞ୍ଜର ଚଢାଇ ଦେବେ ନାହିଁ । ଏନେଇ ଥାନାରେ ଅଭିଯୋଗ ପରେ କାର୍ଯ୍ୟାନୁଷ୍ଠାନ ହୋଇଛି ସତ କିନ୍ତୁ କିଛି ବସ ମାଲିକଙ୍କ ମନରୁ ଭୟ ଛାଡିନି । ବରଂ ବଟି ଦେଇ ଶାନ୍ତିରେ ରହିବାକୁ ପସନ୍ଦ କରୁଛନ୍ତି । ସେପଟେ ଦାଦାବଟି ଆଦାୟ ଅଭିଯୋଗରେ ଗିରଫ ଗ୍ୟାଙ୍ଗଷ୍ଟର ରାଜା ଆଚାର୍ଯ୍ୟ ବିରୋଧରେ ଏନଏସଏ ବା ଜାତୀୟ ନିରାପତା ଆଇନର ଧାରା ଲଗାଇବା ପାଇଁ ପ୍ରକ୍ରିୟା ଆରମ୍ଭ ହୋଇଛି ।

ଅନ୍ୟପକ୍ଷରେ ଦାଦାବଟି ଉପରେ ଅଙ୍କୁଷ ଲଗାଇବା ପାଇଁ କମିଶନରେଟ ପୋଲିସ ଜାରି କରିଛି ହେଲପଲାଇନ ନମ୍ବର । ହେଲ୍ପ ଲାଇନ ନମ୍ବର ୯୯୩୮୯୧୦୦୦୦ ଜାରି କରାଯାଇଛି । ଏସଏମସ, ଟେଲିଗ୍ରାମ, ମେସେଜ ଜରିଆରେ ଜଣାଇ ପାରିବେ ଲୋକେ । ଲୋକେ ଚାହିଁଲେ ତାଙ୍କ ନାଁ ଗୁପ୍ତ ରଖାଯିବ ବୋଲି କହିଛନ୍ତି ପୋଲିସ ଡିଜି ।

ପୂର୍ବରୁ ଦାଦା ବଟିକୁ ନା ଅଭିଯାନ ଆରମ୍ଭ କରିଥିଲା କମିସନରେଟ ପୋଲିସ । ଏହି ଅଭିଯାନ ଆଧାରରେ ପୋଲିସ କିଛି ଅଭିଯୁକ୍ତଙ୍କୁ ଗିରଫ କରିଛି । ଏଥିରେ ଗ୍ୟାଙ୍ଗଷ୍ଟର ରାଜା ଆଚାର୍ଯ୍ୟ ରହିଛି । ତେଣୁ ଏବେ ଏହାକୁ ଆହୁରି ଜୋରଦାର କରିଛି ପୋଲିସ ।

Comments are closed.