ଦୃଷ୍ଟିବାଧିତ ଛାତ୍ରଛାତ୍ରୀଙ୍କ ପାଇଁ ବ୍ରେଲୀ ଲାଇବ୍ରେରୀ । ରେଭେନ୍ସା ଦେଖାଇଲା ଶିକ୍ଷା କ୍ଷେତ୍ରରେ ନୂଆ ଦିଶା ।
କନକ ବ୍ୟୁରୋ: ଦୃଷ୍ଟି ବାଧିତ ଛାତ୍ରଛାତ୍ରୀଙ୍କୁ ନୂଆ ରାହା ଦେଖାଇଛି ରେଭେନ୍ସା ବ୍ରେଲୀ ଲାଇବ୍ରେରୀ । ରେଭେନ୍ସା ଭଳି ଦୃଷ୍ଟି ବାଧିତ ଛାତ୍ରଛାତ୍ରୀଙ୍କୁ ବିଶ୍ୱବିଦ୍ୟାଳୟରେ ପାଠ ପଢିବାର ସୁଯୋଗ ସୃଷ୍ଟି କରିପାରିଛି ଏହି ଲାଇବ୍ରେରୀ । ବିଭିନ୍ନ ବିଭାଗରେ ପଢୁଥିବା ପ୍ରାୟ ୧୫୦ ଜଣ ଛାତ୍ରଛାତ୍ରୀ ନିୟମିତ ବ୍ରେଲୀ ଲାଇବ୍ରେରୀକୁ ପାଠ ପଢିବାକୁ ଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରିକି କମ୍ପ୍ୟୁଟରକୁ ନିଜେ ଅପରେଟ କରୁଛନ୍ତି ଦୃଷ୍ଟି ବାଧିତ ଛାତ୍ରଛାତ୍ରୀ । ମାଉସକୁ ଧରି ଡେସ୍କଟପ ଉପରେ କ୍ଲିକ କଲେ ହେଡଫୋନ ଜରିଆରେ କେଉଁଟା କି ଆପ ଅଡିଓ ଜରିଆରେ ସବୁ ଜାଣିପାରୁଛନ୍ତି । ଲାଇବ୍ରେରୀକୁ ଆସିବା ପାଇଁ ସ୍ୱତନ୍ତ୍ର ଇ-ରିକ୍ସାର ବ୍ୟବସ୍ଥା କରାଯାଇଛି । ରେଭେନ୍ସାର ଏହି ଅତ୍ୟାଧୁନିକ ଲାଇବ୍ରେରୀକୁ କିଛି ଦିନ ତଳେ ଆସିଥିବା ନାକ ଟିମ ମଧ୍ୟ ଉଚ୍ଚ ପ୍ରଶଂସା କରିଛନ୍ତି । ଏବେ ବିଶ୍ୱବିଦ୍ୟାଳୟ ପ କ୍ଷରୁ ଆହୁରି ଅତ୍ୟାଧୁନିକ ଉପକରଣ ଆଣିବାକୁ ଉଦ୍ୟମ କରାଯାଉଥିବା ଲାଇବ୍ରେରୀ ଦାୟିତ୍ୱରେ ଥିବା ପ୍ରଫେସର କହିଛନ୍ତି ।