ଶୂନ୍ୟକାଳରେ ସରକାରଙ୍କୁ ବିରୋଧୀଙ୍କ ଟାର୍ଗେଟ । କାଉଁଣ୍ଟର କଲା ଶାସକ ଦଳ ।
କନକ ବ୍ୟୁରୋ : ଶୂନ୍ୟକାଳରେ ବିଭିନ୍ନ ପ୍ରସଙ୍ଗ ଉଠାଇ ସରକାରଙ୍କୁ ଟାର୍ଗେଟ କଲେ ବିରୋଧୀ । ମାଟ୍ରିକ ପ୍ରଶ୍ନପତ୍ର ଭାଇରାଲ ପ୍ରସଙ୍ଗ ଉଠାଇ ସରକାରଙ୍କୁ ଟାର୍ଗେଟ କରିଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର । ମାଟ୍ରିକ ପରୀକ୍ଷାର ଗୋଟିଏ ପ୍ରଶ୍ନ ୧୦ ଟଙ୍କାରେ ବିକ୍ରି ହେଉଛି ବୋଲି କହିଛନ୍ତି ଜୟନାରାୟଣ । ଚାରିଟା ପ୍ରଶ୍ନକୁ ଚାଳିଶ ହଜାରରେ ବିକ୍ରି ହେଉଛି ଜ୍ଝ ଏହାର ଅଡିଓ ବାହାରେ ବୁଲୁଥିବା କହିଛନ୍ତି ଜୟନାରାୟଣ । ବଲାଙ୍ଗୀରରେ ୨ଟି ପ୍ରଶ୍ନପତ୍ର ଲିକ୍ ହୋଇଥିବା ପ୍ରସଙ୍ଗ ଉଠାଇବା ସହ ଜୟନାରାୟଣ କହିଛନ୍ତି ଏହା କଣ ୫-ଟି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ପୁଣିଥରେ ବିଧାନସଭାରେ ନବ ଦାସ ହତ୍ୟାକାଣ୍ଡ ପ୍ରସଙ୍ଗ ଉଠାଇ ଜୟନାରାୟଣ କହିଛନ୍ତି ନବ ଦାସଙ୍କ ହତ୍ୟାକାଣ୍ଡକୁ ୫୦ ଦିନ ପୁରିଗଲାଣି । ହତ୍ୟାକାଣ୍ଡର ଉଦ୍ଦେଶ୍ୟ କଣ ଓ ଘଟଣା ପଛରେ କିଏ ତାହା ଏ ପର୍ଯ୍ୟନ୍ତ ଜଣା ପଡ଼ିଲା ନାହିଁ । ଏସସିବି ମେଡ଼ିକାଲ ବୋର୍ଡ ଗୋପାଳ ପାଗଳ ନୁହେଁ ବୋଲି କହିବା ପରେ ବି କାହିଁକି ତାକୁ ବାହାରକୁ ନେବାକୁ ଚାହୁଁଛନ୍ତି । ଗୋପାଳକୁ ପାଗଳ ସାବ୍ୟସ୍ତ କରିବା ପାଇଁ କାହିଁକି ଚାହୁଁଛନ୍ତି ? ଏସସିବି ମେଡ଼ିକାଲକୁ ବିଶ୍ୱ ସ୍ତରୀୟ କହୁଥିବା ବେଳେ କାହିଁକି ତାକୁ ହିଁ ବିଶ୍ଵାସ କରୁ ନାହାନ୍ତି ? ଓଡ଼ିଶା ସରକାର କେନ୍ଦ୍ର ସରକାରକୁ ଯେଉଁ ଚିଠି ଲେଖିଛନ୍ତି ଏଫବିଆଇର ସାହାଯ୍ୟ ନେବାକୁ ସେ ଚିଠିକୁ ଗୃହରେ ଉପସ୍ଥାପିତ କରିବେ କି । ହାଇକୋର୍ଟର ମନିଟରିଂ କରିବା ପାଇଁ ଯେଉଁ ଚିଠି ଲେଖା ଯାଇଛି ତାହା ଉପସ୍ଥାପିତ କରିବେ କି ସରକାର ? ଏଭଳି କହି ସରକାରଙ୍କୁ ଟାର୍ଗେଟ କରିଛନ୍ତି ଜୟନାରାୟଣ । ଏହାବାଦ୍ ହୋମଗାର୍ଡ ମାନଙ୍କର ଦରମା ବୃଦ୍ଧି ପାଇଁ ସରକାରଙ୍କୁ ଘେରିଛନ୍ତି ବିରୋଧୀ । କିଏ ଏ ସରକାର ଚଳାଉଛି କିଏ ଏ ସରକାରକୁ ବୁଦ୍ଧି ଦେଉଛି ବୋଲି ପ୍ରଶ୍ନ କରିଥିଲେ ଜୟନାରାୟଣ ।
ସେହିଭଳି ଅଫିସର ମାନେ ଜନପ୍ରତିନିଧିଙ୍କୁ ମାନୁନଥିବା ପ୍ରସଙ୍ଗ ଉଭୟ ବିରୋଧୀ ଦଳ ଉଠାଇଥିଲେ । କୋଇଡା ବିଡ଼ିଓଙ୍କ କଥା ଉଠାଇ ସରକାରଙ୍କ ଉପରେ ଜୟନାରାୟଣ ବର୍ଷିବା ବେଳେ ଏଥିରେ ସ୍ୱର ମିଳାଇଥିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ଅଫିସର ମାନେ ଫୋନ ଉଠାଉନଥିବା କହିଥିଲେ ନରସିଂହ । ସେହିଭଳି ସରକାରରେ ଥିବା ମନ୍ତ୍ରୀଙ୍କୁ ନେଇ ନରସିଂହ କହିଛନ୍ତି, ମନ୍ତ୍ରୀ ମାନେ ସରକାର । ସରକାର ପାଖକୁ କର୍ମଚାରୀ ଯିବ ନା କର୍ମଚାରୀ ପାଖକୁ ସରକାର ଯିବ ? ରାଜ୍ୟରେ ଅମଲାତନ୍ତ୍ର ଶାସନ ଚାଲିଛି । ଦିନ ଦି ପ୍ରହରରେ ଗଣତନ୍ତ୍ରକୁ ହତ୍ୟା କରାଯାଉଛି। ମନ୍ତ୍ରୀ ଯାଇ ଭେଟୁଛନ୍ତି ମୁଖ୍ୟ ଶାସନ ସଚିବଙ୍କୁ । ତେଣୁ ଆଗକୁ ଏମିତି ଆଉ ହେବ ବୋଲି ନାହିଁ ବୋଲି ମନ୍ତ୍ରୀ ଗୃହରେ କ୍ଷମା ମାଗନ୍ତୁ ବୋଲି କହିଥିଲେ ନରସିଂହ ।
ଗୃହରେ ଏହାର ଜବାବ ରଖିଥିଲେ ସଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୂଜାରୀ । ନିରଞ୍ଜନ କାଉଣ୍ଟର କରିବା ସହ କହିଥିଲେ, ଏହି ପ୍ରସଙ୍ଗରେ ଜଣେ ମନ୍ତ୍ରୀଙ୍କୁ କୁହନ୍ତୁ ମନ୍ତ୍ରୀ ମାନଙ୍କୁ କୁହନ୍ତୁ ନାହିଁ । ରାଇଡ଼ର ଯଦି ଠିକ ଅଛି ଘୋଡା ଠିକ ଚାଲିବ । ଏଭଳି କହିକି ମନ୍ତ୍ରୀ ମାନଙ୍କ କ୍ଷମତା କ୍ଷୂର୍ଣ୍ଣ କରାଯାଉଛି ବୋଲି କହିଥିଲେ ନିରଞ୍ଜନ ପୂଜାରୀ । ଯାହାକୁ ନେଇ ଗୃହରେ ଉଭୟ ଶାସକ ଓ ବିରୋଧୀଙ୍କ ମଧ୍ୟରେ କଥା କଟାକଟି ହୋଇଥିଲା । ଫଳରେ ଗୃହକୁ ଅପରାହ୍ନ ୪ଟା ଯାଏଁ ମୁଲତବି କରିଛନ୍ତି ବାଚସ୍ପତି ।