କାବୁଲ ବିସ୍ଫୋରଣ ପରେ ଜରୁରୀ ବୈଠକ ଡାକିଲେ ବ୍ରିଟେନ୍ ପ୍ରଧାନମନ୍ତ୍ରୀ
ସେପଟେ ଅଧିକରୁ ଅଧିକ ଆଫଗାନବାସିଙ୍କୁ ଏୟାରଲିଫ୍ଟ କରିବାକୁ ପ୍ରୟାସ ହେବ କହିଲେ ଫ୍ରାନ୍ସ ରାଷ୍ଟ୍ରପତି
କନକ ବ୍ୟୁରୋ : କାବୁଲ ବିସ୍ଫୋରଣ ପରେ ଜରୁରୀକାଳୀନ ବୈଠକ ଡକାଇଛନ୍ତି ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନ୍ । ସେପଟେ ଅଧିକରୁ ଅଧିକ ଆଫଗାନବାସିଙ୍କୁ ଏୟାରଲିଫ୍ଟ କରିବାକୁ ପ୍ରୟାସ ହେବ ବୋଲି ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନ କହିଛନ୍ତି । ହେଲେ ଏବେ ଅନ୍ତର୍ଜାତୀୟ ସମୁଦାୟର ନଜର ଆମେରିକା ଉପରେ ଅଧିକ ରହିଛି । କାରଣ ୩୧ ଅଗଷ୍ଟ ସୁଦ୍ଧା ଆଫଗାନିସ୍ତାନରୁ ଆମେରିକାର ଏହାର ସେନା ସମ୍ପୂର୍ଣ୍ଣ ରୂପେ ଅପସାରଣ କରିବାକୁ ତାଲିବାନ ଡେଡଲାଇନ ଦେଇସାରିଛି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ଏହି ବିସ୍ଫୋରଣରେ ଅନେକ ଆମେରକୀୟ ନାଗରିକ ମୃତାହତ ହେବା ପରେ ବାଇଡେନ ପ୍ରଶାସନର ଆଗାମୀ ପଦକ୍ଷେପ କ’ଣ ରହିବ, ତାହା ବେଶ ଗୁରୁତ୍ୱପୂର୍ଣ୍ଣ ହୋଇପଡ଼ିଛି । ତାଲିବାନ ଆଫଗାନିସ୍ତାନକୁ ଦଖଲ କରିନେବା ପରେ ଦେଶ ଛାଡି ଚାଲିଯିବାକୁ ଅନେକ ଲୋକ ଚାହୁଁଛନ୍ତି । ବିଟ୍ରେନ, ଅଷ୍ଟେଲିଆ, ଫାନ୍ସ, ଇଟାଲି ଭଳି ଦେଶ ମଧ୍ୟ ନିଜ ଦେଶର ନାଗରିକକୁ ଫେରାଇ ନେବାକୁ ଉଦ୍ୟମ କରୁଛନ୍ତି । ଭାରତ ମଧ୍ୟ ନିଜ ଦେଶର ନାଗରିକ ଫେରାଇ ଆଣିବାକୁ ଉଦ୍ୟମ କରୁଛି । ଏହାରି ଭିତରେ ଆତଙ୍କୀଙ୍କ ଟାର୍ଗେଟକୁ ଆସି ଯାଇଛି କାବୁଲ ଏୟାରପୋର୍ଟ । କାବୁଲରେ ସ୍ଥିତି ଅତି ଉଦବେଜଜନକ ରହିଛି । ଫଳରେ ପୂରା ପ୍ରକ୍ରିୟା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି ।