କୋଟିଆ ପରେ ଓଡିଶା ଝାଡଖଣ୍ଡରେ ସୀମା ବିବାଦ : ଓଡିଶା ସୀମାନ୍ତ ମୟୂରଭଂଜର କଙ୍ଗିରା ନଦୀ ପଠାରୁ ବେଆଇନ୍ ବାଲି ଉଠାଉଛି ଝାଡଖଣ୍ଡ ପ୍ରଶାସନ
ପ୍ରଶାସନର ବିରୋଧକୁ ଧ୍ୟାନ ଦେଉନି ଝାଡଖଣ୍ଡ ସରକାର
କନକ ବ୍ୟୁରୋ : ବାଲି ଉତୋଳନକୁ ନେଇ ଓଡ଼ିଶା ଝାରଖଣ୍ଡ ସୀମା ବିବାଦ । କୋଟିଆ ପରେ ଏବେ ଝାରଖଣ୍ଡ ଓଡ଼ିଶା ସୀମା ବିବାଦ । ଏହି ଘଟଣା ଦେଖିବାକୁ ମିଳିଛି ମୟୂରଭଂଜ ରରୁଆଁ ବ୍ଲକ ରିଘା ଗାଁ ନିକଟରେ ଥିବା କଙ୍ଗୀରା ନଦୀ ପଠାରୁ । ଏଠାକୁ ଝାରଖଣ୍ଡ ରାଜ୍ୟର ପ୍ରଶାସନର ସହଯୋଗରେ ବାଲି ମାଫିଆମାନେ ବେଆଇନ୍ ଭାବେ ଓଡ଼ିଶା ସୀମାକୁ ପଶି ବେଆଇନ ବାଲି ଉତୋଳନ କରୁଛନ୍ତି । ସ୍ଥାନୀୟ ଓଡ଼ିଶା ପ୍ରଶାସନ ବାରମ୍ବାର ଅବଗତ କରୁଥିଲେ ମଧ୍ୟ କୌଣସି ସୁଫଳ ମିଳିନଥିଲା ।
Kanak News is now on WhatsApp
Join and get latest news updates delivered to you via WhatsApp
ଓଲଟି ଓଡ଼ିଶାର କିଛି ବାଲି ଉତୋଳନ ପାଇଁ ଯାଇଥିବା ଗାଡ଼ିକୁ ଝାରଖଣ୍ଡ ପ୍ରଶାସନ ଜୋର ଜବରଦସ୍ତ ଉଠାଇ ନେଇ ମୋଟା ଅଙ୍କର ଫାଇନ ଆଦାୟ କରୁଥିଲା । ଏହାକୁ ବିରୋଧ କରି ସ୍ଥାନୀୟ ପ୍ରଶାସନ ଜିଲ୍ଲା ପ୍ରଶାସନକୁ ଅବଗତ କରାଇବା ପରେ ଏହାର ମିଳିତ ଜମିମାପ କରି ସୀମା ନିର୍ଦ୍ଧାରଣ କରାଯାଉଛି । ଗତ ୩ରୁ ୪ ବର୍ଷ ପୂର୍ବରୁ ଏଇ ନଦୀ ସୌରତକୁ ମୟୂରଭଂଜ ଜିଲ୍ଲା ପ୍ରଶାସନ ଲିଜ ଦେଇଥିବା ବେଳେ ଏଠାରେ ଏବେ ଦେଖା ଦେଇଛି ସୀମା ବିବାଦ ।