ଏଣିକି ବନ୍ଦ ହେବ ନିରୀହଙ୍କ ଉପରେ ଶୋଷଣ ଏବଂ ଅତ୍ୟାଚାର ! ପୋଲିସଙ୍କୁ ଦିଆଯାଉଛି ସ୍ୱତନ୍ତ୍ର ଟ୍ରେନିଂ ।
ଶୋଷଣର ଶିକାର ହେଉଥିବା ଛୋଟ ନିରୀହ ପିଲାମାନଙ୍କୁ ସାହାଯ୍ୟ କରିବା ପାଇଁ ପୋଲିସକୁ କର୍ମଚାରୀ ମାନଙ୍କୁ ଉପଯୁକ୍ତ ବ୍ୟବହାର ଶିଖିବା ଆବଶ୍ୟକ । ତେବେ ଯାଇଁ ନିରୀହ ପିଲାମାନେ ତାଙ୍କର ସମସ୍ୟାକୁ ପୋଲିସଙ୍କ ଆଗରେ ଖୋଲି କହିପାରିବେ । ତେଣୁ ପୋଲିସ କର୍ମଚାରୀ ମାନଙ୍କୁ ବ୍ୟବହାର କୁଶଳତାରେ ଦକ୍ଷ କରିବା ପାଇଁ ଏପରି ଏକ ପୁସ୍ତିକା ତିଆରି କରାଯାଇଛି, ଯାହା ପିଲାମାନଙ୍କୁ ଶୋଷଣରୁ ରକ୍ଷା କରିବା ପାଇଁ ପୋଲିସକୁ ସାହାଯ୍ୟ କରିବ ।
Kanak News is now on WhatsApp
Join and get latest news updates delivered to you via WhatsApp
ଏହି ପୁସ୍ତିକା ଅନୁସାରେ, ପିଲାମାନଙ୍କ ସହ କେଉଁଭଳି ଭାବରେ ବ୍ୟବହାର କରିବା ଏବଂ କେଉଁଭଳି ଭାବରେ ପିଲାମାନଙ୍କୁ ପୋଲିସ ସାହାଯ୍ୟ କରିବ ବୋଲି ଅବଗତ କରାଇବା ଏହି ପୁସ୍ତିକାର ମୂଳ ଲକ୍ଷ୍ୟ ଅଟେ । ଏଥି ସହିତ ଅନ୍ୟ ବହୁତ କାର୍ଯ୍ୟ ମଧ୍ୟ ଏହି ପୁସ୍ତିକାରେ ଉଲ୍ଲେଖ କରାଯାଇଛି ।
ବ୍ୟୁରୋ ଅଫ ପୋଲିସ ରିସର୍ଚ୍ଚ ଆଣ୍ଡ ଡେଭଲ୍ପମେଣ୍ଟର ମହାନିର୍ଦ୍ଦେଶକଙ୍କ କହିବା ଅନୁସାରେ, ପୋଲିସ ଏକ ଚୌକିଦାର ଭଳି କାମ କାମ କରିଥାନ୍ତି । ସଂକଟରେ ପଡିଥିବା ପିଲାମାନଙ୍କ ପାଖରେ ସାହାଯ୍ୟ ପାଇଁ ସର୍ବପ୍ରଥମେ ପୋଲିସ ପହଞ୍ଚିଥାନ୍ତି । ତେଣୁ ଆମେ ଚାହୁଁ ପୋଲିସ ଅଧିକାରୀ ସହାନୁଭୂତି ଏବଂ କରୁଣାର ସହ କାମ କରି ପିଲାମାନଙ୍କ ସାହାଯ୍ୟ କରୁ । ଏହି ପୁସ୍ତିକାରେ ପୋଲିସ ମାନଙ୍କୁ ଏହି ସମ୍ପର୍କରେ ଅବଗତ କରାଇଯାଇଛି ।