ଆଇଆରସିଟିସି ଦେଉଛି ଗୋଟିଏ ମାସରେ ୧୨ଟି ଟ୍ରେନ୍ ଟିକଟ ବୁକ୍ କରିବାର ସୁବିଧା । ଜାଣନ୍ତୁ ସଂପୂର୍ଣ୍ଣ ପ୍ରକ୍ରିୟା
ଯଦି ଆପଣଙ୍କୁ ଅଧିକାଂଶ ଯାତ୍ରା କରିବାକୁ ପଡେ, ତେବେ ଆଇଆରସିଟିସି ଆପରେ କେବଳ ବୁକ୍ କରନ୍ତୁ ଟ୍ରେନ୍ ଟିକେଟ୍ । କାହିଁକିନା ଆପଣଙ୍କ ସୁବିଧାକୁ ଧ୍ୟାନରେ ରଖି ଆଇଆରସିଟିସି ଆପଣଙ୍କୁ ଦେଉଛି ଗୋଟିଏ ମାସରେ ୧୨ଟି ଟ୍ରେନ୍ ଟିକଟ ବୁକ୍ କରିବାର ସୁବିଧା । ଜାଣନ୍ତୁ ସଂପୂର୍ଣ୍ଣ ପ୍ରକ୍ରିୟା ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ମାସରେ ଆଇଆରସିଟିସିରୁ ୧୨ଟି ଟିକେଟ୍ ବୁକ୍ କରାଇବା ପାଇଁ ଆପଣଙ୍କୁ ଆଇଆରସିଟିସି ଆକାଉଣ୍ଟକୁ ଆଧାର ନମ୍ବରରେ ଲିଙ୍କ କରିବାକୁ ପଡିବ । ଏହି ପ୍ରକ୍ରିୟାକୁ ପୁରା କରିବା ପାଇଁ ଆପଣଙ୍କୁ ସର୍ବପ୍ରଥମେ ଆଇଆରସିଟିସିର ୱେବସାଇଟରେ ମାଇ ପ୍ରୋଫାଇଲ କ୍ୟାଟେଗୋରୀ ଅଧିନରେ ଆଧାର କେୱାଇସି ଉପରେ କ୍ଲିକ୍ କରିବାକୁ ପଡିବ । ଏହାପରେ ନିଜର ଆଧାର ନମ୍ବର ଅପଡେଟ୍ କରିବାକୁ ପଡିବ । ଆଧାର ସହିତ ଜଡିତ ମୋବାଇଲ ନମ୍ବରରେ ୱାନ-ଟାଇମ୍-ପାସୱାର୍ଡ (ଓଟିପି) ପଠାଯିବ । ଯାହାକି ଆପଣଙ୍କୁ ଭେରିଫିକେସନ ସମୟରେ ଦେବାକୁ ପଡିବ ।
ଏହା ବ୍ୟତୀତ ମାଷ୍ଟର ଲିଷ୍ଟ ଅଧିନରେ ନିଜ ସହିତ ଯାଉଥିବା ଏକ ଯାତ୍ରୀଙ୍କ ଆଧାର ନମ୍ବର ବି ଅପଡେଟ୍ କରିବାକୁ ପଡିବ । ଏହି ପ୍ରକ୍ରିୟା ବି ୱାନ-ଟାଇମ୍-ପାସୱାଡ ଜରିଆରେ ପୁରା ହେବ । ଏହି ସମସ୍ତ କାମ ଆପଣଙ୍କୁ ଗୋଟିଏ ମାସରେ ୬ରୁ ଅଧିକ ଟିକେଟ୍ ବୁକ୍ କରିବା ପୂର୍ବରୁ କରିବାକୁ ପଡିବ ।
ସର୍ବପ୍ରଥମେ ଆଇଆରସିଟିସି ଆପରେ ୟୁଜର ଆଇଡି ଓ ପାସୱାର୍ଡର ବ୍ୟବହାର କରି ଲଗ୍ ଇନ୍ କରନ୍ତୁ । ଆଇଆରସିଟିସି ଆପରେ ମାଇ ପ୍ରୋଫାଇଲ ଅଧିନରେ ଆଧାର କେୱାଇସି ଉପରେ କ୍ଲିକ୍ କରନ୍ତୁ । ଆଧାର ନମ୍ବର ଅପଡେଟ୍ କରନ୍ତୁ । ମୋବାଇଲ ନମ୍ବରରେ ଓଟିପି ଆସିବ, ଯାହାକୁ ଦେଇ ଭେରିଫିକେସନ ପ୍ରକ୍ରିୟା ପୁରା କରନ୍ତୁ ।