ଶିକ୍ଷକଙ୍କ ଉପରକୁ ବୋମାମାଡ଼ । ବ୍ରହ୍ମପୁର ବଡ଼ ବଜାରର ରଘୁପତି ନଗରରେ ଅଭାବନୀୟ ଘଟଣା । ଗୁରୁତର ଅବସ୍ଥାରେ ଏମକେସିଜିରେ ଭର୍ତ୍ତି ।
କନକ ବ୍ୟୁରୋ: ଶିକ୍ଷକଙ୍କ ଉପରକୁ ବୋମାମାଡ଼ । ବ୍ରହ୍ମପୁର ବଡ଼ ବଜାରର ରଘୁପତି ନଗରରେ ଅଭାବନୀୟ ଘଟଣା । ଗୁରୁତର ଅବସ୍ଥାରେ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି ହାଇଛନ୍ତି ଦିଗପହଣ୍ଡି ବ୍ଲକର ସିଆରସିସି ଟୁକୁନା ଭୂୟାଁ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଗୁରୁବାର ରାତିରେ ଟୁକୁନା ଘରେ ବସିଥିବା ବେଳେ ହଠାତ କିଛି ଦୁର୍ବୃତ୍ତ ଆସି ତାଙ୍କ ଉପରକୁ ବୋମାମାଡ କରିଥିବା ଅଭିଯୋଗ ହୋଇଛି । ବୋମାମାଡ କରି ଦୁର୍ବୃତ୍ତ ମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସ୍ଥାନୀୟ ଲୋକେ ଟୁକୁନାଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରିଥିଲେ । ବୋମାମାଡରେ ଟୁକୁନାଙ୍କ ଛାତି ସହ ଶରୀରର ବିଭିନ୍ନ ସ୍ଥାନର ଆଘାତ ହୋଇଛି । ଖବର ପାଇ ବଡ଼ ବଜାର ଥାନା ପୋଲିସ ପହଂଚି ତଦନ୍ତ ଆରମ୍ଭ କରିଛି ।
ସେହିପରି ବ୍ରହ୍ମପୁର ଏସପି ଟୁକୁନାଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଛନ୍ତି । ଟୁକୁନାଙ୍କ ପତ୍ନୀ ବ୍ରହ୍ମପୁର ଉପକଣ୍ଠ ଆମ୍ବଗଡ଼ରେ ରହୁଥିବା ବେଳେ ଟୁକୁନା ବ୍ରହ୍ମପୁରରେ ଭଡ଼ା ଘରେ ରହୁଥିଲେ । ତେଣୁ ଟୁକୁନାଙ୍କୁ କିଏ ଓ କାହିଁକି ବୋମାମାଡ କଲା, ତାହା ଜଣାପଡ଼ିନାହିଁ । ସେପଟେ ପୁଲିସ ତଦନ୍ତ ଜାରି ରହିଥିବା ବେଳେ ଅଭିଯୁକ୍ତଙ୍କୁ ଖୁବଶୀଘ୍ର ଗିରଫ କରାଯିବ ବୋଲି କହିଛନ୍ତି ବ୍ରହ୍ମପୁର ଏସପି ।