କରୋନାରେ ଅଭିନେତା ବିକ୍ରମଜିତ୍ କାନୱାରପାଲଙ୍କ ଦେହାନ୍ତ : ମୁମ୍ବାଇର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ
କନକ ବ୍ୟୁରୋ : ବଲିଉଡ ସିନେମା,ଛୋଟପରଦା ଓ ୱେବ ସିରିଜର ଲୋକପ୍ରିୟ କଳାକାର ବିକ୍ରମ କାନୱାରପାଲଙ୍କ ୫୨ବର୍ଷ ବୟସରେ ମୃତ୍ୟୁ । କିଛି ଦିନ ପୂର୍ବରୁ ବିକ୍ରମ କରୋନାରେ ଆକ୍ରାନ୍ତ ହୋଇ ମୁମ୍ବାଇର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ଫିଲ୍ମ ନିର୍ମାତା ଅଶୋକ ପଣ୍ଡିତ ଟୁଇଟ କରି ଏହି ସୂଚନା ଦେଇଛନ୍ତି । ସେନାରୁ ଅବସର ଗ୍ରହଣ କରିବା ପରେ ୨୦୧୩ ମସିହାରେ ବିକ୍ରମ କଳାଜଗତରେ ପାଦ ଦେଇଥିଲେ । ବିଭିନ୍ନ ପ୍ରକାର ଚଳଚିତ୍ର, ସିରିୟଲରେ ବିକ୍ରମ ଜଣେ ଦକ୍ଷ ସହଯୋଗୀ କଳାକାର ଭାବେ ଅଭିନୟ କରି ଦର୍ଶକଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ତିଆରି କରିପାରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେ ବହୁ ଲୋକପ୍ରିୟ ଚଳଚ୍ଚିତ୍ର, ଟିଭି ଶୋ’ ଏବଂ ୱେବ୍ ସିରିଜରେ ନିଜ ଅଭିନୟର ଛାପ ଛାଡିଛନ୍ତି । ଚଳଚ୍ଚିତ୍ର ନିର୍ମାତା ଅଶୋକ ପଣ୍ଡିତ ଟ୍ୱିଟ କରି ଲେଖିଛନ୍ତି “ଦକ୍ଷ ଅଭିନେତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି । ସେ ଟ୍ୱିଟ କରି କହିଛନ୍ତି, କୋଭିଡ କାରଣରୁ ଅଭିନେତା ତଥା ମେଜର ବିକ୍ରମଜିତ କାନୱାରପାଲଙ୍କ ଦେହାନ୍ତ ଖବର ଶୁଣି ଦୁଃଖିତ । ତାଙ୍କ ପରିବାର ଏବଂ ନିକଟତମ ଲୋକଙ୍କୁ ହୃଦୟରୁ ସମବେଦନା ଜଣାଉଛି। ”
Sad to hear about the demise of actor Major Bikramjeet Kanwarpal this morning due to #Covid.
A retired army officer, Kanwarpal had played supporting roles in many films and television serials.
Heartfelt condolences to his family & near ones.ॐ शान्ति !
🙏— Ashoke Pandit (@ashokepandit) May 1, 2021
୨୦୦୩ ମସିହାରେ ଭାରତୀୟ ସେନାରୁ ଅବସର ନେବା ପରେ ବିକ୍ରମଜିତ କାନୱାରପାଲ ଅଭିନୟ ଆରମ୍ଭ କରିଥିଲେ। ସେ ପେଜ୍ ୩, ରକେଟ୍ ସିଂ, ସେଲ୍ସମ୍ୟାନ୍ ଅଫ୍ ଦି ଇୟର, ଆରକ୍ଷଣ, ମର୍ଡର ୨, ଟୁ ଷ୍ଟେଟ୍ସ ଏବଂ ଦି ଗାଜି ଆଟାକ୍ ଭଳି ଚଳଚ୍ଚିତ୍ରରେ ଅଭିନୟ କରିଥିଲେ। ‘ୟେ ହେ ଚାହତେ’, ‘ସ୍ପେଶାଲ ଆଇପିଏସ’, ‘ଅଦାଲତ’, ‘ଦିଆ ଓର ବାତି ହମ୍’, ‘କ୍ରାଇମ ପେଟ୍ରୋଲ ଦସ୍ତକ’ ଭଳି ଟିଭି ଶୋ’ରେ ମଧ୍ୟ ଅଭିନୟ କରିଥିଲେ ।