ଶାହାରୁଖ-ସଲମାନଙ୍କ ଠାରୁ ଆଗରେ ଅମୀର । କେହି ବି ଭାଙ୍ଗି ପାରିନାହାନ୍ତି ଅମୀରଙ୍କ ଏହି ରେକର୍ଡ, ଜାଣନ୍ତୁ କ’ଣ ରହିଛି ଅମୀରଙ୍କ ସର୍ବକାଳୀନ ରେକର୍ଡ?
କନକ ବ୍ୟୁରୋ : ଅମୀର ଖାନ୍ । ଏହି ନାମ ହିଁ ଯଥେଷ୍ଟ । ଅନେକ ସିନେପ୍ରେମୀଙ୍କ ହୃଦୟ ଜିତିଥିବା ଅମୀରଙ୍କ ସମ୍ପର୍କରେ ସମସ୍ତଙ୍କୁ ବେଶ ଭଲଭାବେ ଜଣା । ବ୍ୟକ୍ତିଗତ ଜୀବନ ହେଉ ବା ସ୍କ୍ରିନରେ ଦମଦାର ଅଭିନୟ । ସବୁବେଳେ ଚର୍ଚ୍ଚାରେ ରହିଥାନ୍ତି ଅମୀର । ତେବେ ଆପଣ ଜାଣିଛନ୍ତି କି, ଅମୀର ଖାନଙ୍କ ଏଭଳି ରେକର୍ଡ ରହିଛି ଯାହାକି ଶାହାରୁଖ, ସଲମାନଙ୍କ ଭଳି ସୁପରଷ୍ଟାରମାନେ ମଧ୍ୟ ଭାଙ୍ଗି ପାରିନାହାନ୍ତି । ଆଉ ଏହି ରେସରେ ପଛରେ ମଧ୍ୟ ପଡ଼ିଛନ୍ତି ସନ୍ନି ଦେଓଲ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ୩୫ ବର୍ଷ ଧରି ବଲିଉଡରେ ଅଭିନୟର ଯାଦୁ ଦେଖାଇ ଆସୁଥିବା ଅମୀର ଖାନଙ୍କ ଅନେକ ଗୁଡ଼ିଏ ହିଟ୍ ଫିଲ୍ମ ଦର୍ଶକଙ୍କ ମହଲରେ ଆଦୃତ ହୋଇଛି । ବକ୍ସ ଅଫିସରେ ଅନେକ ହିଟ୍ ଫିଲ୍ମ ହିଟ୍ ସାବ୍ୟସ୍ତ ହୋଇଛି । ତେବେ ବକ୍ସ ଅଫିସରେ ସର୍ବକାଳିନ ହିଟ୍ ହୋଇଥିବା ଫିଲ୍ମ ମଧ୍ୟରେ ଏକ ନମ୍ବର ସ୍ଥାନରେ ରହିଛନ୍ତି ଅମୀର ଖାନ । ଯାହାକି ଅନ୍ୟ ହିରୋମାନେ ଭାଙ୍ଗିବା ଏକପ୍ରକାର କଷ୍ଟସାଧ୍ୟ । ବକ୍ସ ଅଫିସରେ ସର୍ବକାଳୀନ ହିଟ ହୋଇଥିବା ଫିଲ୍ମ ମଧ୍ୟରେ ଅମୀରଙ୍କ ୫ଟି ଚଳଚିତ୍ର ରହିଛି । ଯେଉଁ ରେସରେ ସଲମାନ ଏବଂ ଶାହାରୁଖ ପଛରେ ରହିଯାଇଛନ୍ତି । ତେବେ ଆସନ୍ତୁ ନଜର ପକାଇବା ସମ୍ପୂର୍ଣ୍ଣ ଖବର ଉପରେ..
ବକ୍ସ ଅଫିସରେ ସର୍ବକାଳୀନ ଅମୀରଙ୍କ ୫ଟି ଫିଲ୍ମ ମଧ୍ୟରେ ରହିଛି ‘ରାଜା ହିନ୍ଦୁସ୍ଥାନୀ’ । ଯାହାକି ୧୧ ନଭେମ୍ବର ୧୯୯୬ରେ ମୁକ୍ତିଲାଭ କରିଥିଲା । ଦ୍ୱିତୀୟ ଚଳଚିତ୍ରଟି ହେଉଛି ‘୩ ଇଡିଅଟ୍ସ’ । ଏହା ୨୪ ଡିସେମ୍ବର ୨୦୦୯ ମସିହାରେ ରିଲିଜ ହୋଇଥିଲା । ତୃତୀୟ ସ୍ଥାନରେ ରହିଥିବା ଫିଲ୍ମଟି ହେଉଛି ‘ଧୁମ୍ ୩’ । ଯାହାକି ୨୦ ଡିସେମ୍ବର ୨୦୧୩ରେ ପ୍ରେକ୍ଷାଳୟକୁ ଆସିଥିଲା । ଏହାପରେ ପି.କେ ଚତୁର୍ଥ ସ୍ଥାନରେ ରହିଛି । ଯାହାକି ୧୯ ଡିସେମ୍ବର ୨୦୧୪ରେ ରିଲିଜ ହୋଇଥିଲା । ସେପଟେ ଶେଷଥର ଅର୍ଥାତ ପଂଚମ ସ୍ଥାନରେ ରହିଛି ‘ଦଙ୍ଗଲ’ । ଯାହାକି ୨୩ ଡିସେମ୍ବର ୨୦୧୬ରେ ମୁକ୍ତିଲାଭ କରିଥିଲା । ଏହାପରଠାରୁ ଆଉ ଅମୀରଙ୍କ ସର୍ବକାଳୀନ ହିଟ୍ ମୁଭି ଦେଖିବାକୁ ମିଳିନାହିଁ ।
ସେପଟେ ଏହି ରେସରେ ସଲମାନ, ଶାହାରୁଖ ଏବଂ ସନ୍ନି ଦେଓଲ ଦ୍ୱିତୀୟ ସ୍ଥାନରେ ରହିଛନ୍ତି । ସମସ୍ତଙ୍କର ୨ଟି ଲେଖାଏଁ ଫିଲ୍ମ ଏହି ଲିଷ୍ଟରେ ରହିଛି । ସଲମାନ ଖାନଙ୍କ ଦୁଇ ଫିଲ୍ମ ମଧ୍ୟରେ ରହିଛି ହମ ଆପକେ ହେ କୈନ୍ ଏବଂ ‘ବଜରଙ୍ଗୀ ଭାଇଜାନ’ । ପ୍ରଥମ ଫିଲ୍ମଟି ୫ ଅଗଷ୍ଟ ୧୯୯୪ରେ ରିଲିଜ ହୋଇଥିବାବେଳେ ଦ୍ୱିତୀୟଟି ଅର୍ଥାତ ବଜରଙ୍ଗୀ ଭାଇଜାନ ୧୭ ଜୁଲାଇ ୨୦୧୫ରେ ମୁକ୍ତିଲାଭ କରିଥିଲା । ସେପଟେ ଶାହାରୁଖ ଖାନଙ୍କ ‘ଦିଲୱାଲେ ଦୁଲହନିଆ ଲେଜାଏଙ୍ଗେ’ ଯାହାକି ୨୦ ଅକ୍ଟୋବର ୧୯୯୫ରେ ମୁକ୍ତିଲାଭ କରିଥିଲା ଏବଂ ଦ୍ୱିତୀୟଟି ହେଉଛି ‘କୁଛ୍ କୁଛ୍ ହୋତା ହେ’ ୧୬ ଅକ୍ଟୋବର ୧୯୯୮ରେ ରିଲିଜ ହୋଇଥିଲା ।
ଏହାପରେ ଆମେ ଯଦି ସନ୍ନି ଦେଓଲଙ୍କ କଥା କହିବା ତାହେଲେ ଦୁଇ ଫିଲ୍ମ ମଧ୍ୟରେ ରହିଛି ‘ବର୍ଡର’ ଏବଂ ‘ଗଦର’ । ଜୁନ ୧୫ ୨୦୦୧ରେ ରିଲିଜ ହୋଇଥିବା ଗଦର ଦର୍ଶକଙ୍କୁ ବେଶ ଆକୃଷ୍ଟ କରିଥିଲା । ବର୍ଡର ଜୁନ ୧୩ ୧୯୯୭ରେ ମୁକ୍ତିଲାଭ କରିଥିଲା । ତେବେ ବକ୍ସ ଅଫିସରେ ସର୍ବକାଳୀନ ହିଟ ଫିଲ୍ମ ରେସରେ ଆଗରେ ରହିଛନ୍ତି ଅମୀର ।