ଭାରତୀୟ ସିନେମା ଓ ଟେଲି କାର୍ଯ୍ୟକ୍ରମ ଉପରେ ପୁଣି ପାକିସ୍ତାନ ଲଗାଇଲା କଟକଣା । ପାକ୍ ସୁପ୍ରିମକୋର୍ଟ କହିଲେ, ସମ୍ବିଧାନକୁ ଉଲ୍ଲଂଘନ କରିବା ଦେଶର କାର୍ଯ୍ୟକ୍ରମ ଦେଖାଇବା କଣ ଉଚିତ
କନକ ବ୍ୟୁରୋ: ପାକିସ୍ତାନରେ ଭାରତୀୟ ଫିଲ୍ମ ଓ ଟିଭି କାର୍ଯ୍ୟକ୍ରମ ପ୍ରଦର୍ଶନ ଉପରେ ଲାଗିଲା କଟକଣା । ଶନିବାର ଏନେଇ ରାୟ ଦେଇଛନ୍ତି ପାକିସ୍ତାନ ସୁପ୍ରିମକୋର୍ଟ । ପୂର୍ବରୁ ପାକ୍ ସୁପ୍ରିମକୋର୍ଟ ସ୍ଥାନୀୟ ଟିଭି ଚ୍ୟାନେଲରେ ଭାରତୀୟ କାର୍ଯ୍ୟକ୍ରମ ପ୍ରସାରଣ ଉପରେ ରୋକ ଲଗାଇ ଥିଲେ । କିନ୍ତୁ ଲାହୋର ଉଚ୍ଚ ନ୍ୟାୟାଳୟ ଏହି ପୁରାତନ ରାୟକୁ ଅନାବଶ୍ୟକ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଦେଶୀ କାର୍ଯ୍ୟକ୍ରମ ପ୍ରସାରଣ ନେଇ ହୋଇଥିବା ଏକ ମାମଲା ଶୁଣାଣି କରିବା ସମୟରେ ସୁପ୍ରିମକୋର୍ଟ ଭାରତୀୟ କାର୍ଯ୍ୟକ୍ରମ ପ୍ରସାରଣ ନକରିବାକୁ ନିର୍ଦ୍ଦେଶ ଦେଇଛନ୍ତି । ପାକ୍ ସୁପ୍ରିମକୋର୍ଟ କହିଛନ୍ତି, ସେମାନେ ଆମ ଦେଶର ସମ୍ବଧାନକୁ ଉଲ୍ଲଂଘନ କରିବାକୁ ଉଦ୍ୟମ କରୁଛନ୍ତି, କଣ ସେମାନଙ୍କ କାର୍ଯ୍ୟକ୍ରମ ଆମେ ପ୍ରସାରଣ କରିବା ଉଚିତ୍ କି ବୋଲି ସୁପ୍ରିମକୋର୍ଟ ପ୍ରଶ୍ନ କରିଛନ୍ତି ।