୪୦୦ କଳାକାରଙ୍କ ଗୀତ ସୁଟ୍ କଲେ ଐଶ୍ୱର୍ଯ୍ୟା ରାୟ ବଚ୍ଚନ, ଫିଲ୍ମର ବଜେଟ୍ ୫୦୦ କୋଟି
କନକ ବ୍ୟୁରୋ : ଦେଶରେ କରୋନା ଭାଇରସ୍ ଦ୍ୱିତୀୟ ଲହର ପରେ ସୁଟିଂ ପାଇଁ ଅନୁମତି ଦିଆଯାଇଛି । ଜୋରସୋରରେ ଅନେକ ନୂଆ ପ୍ରକଳ୍ପର ଶୁଟିଂ ଆରମ୍ଭ ହୋଇଛି । ସେଥିମଧ୍ୟରୁ ମଣି ରତ୍ନମଙ୍କ ଡ୍ରିମ୍ ପ୍ରୋଜେକ୍ଟ ‘ପୋନ୍ନିୟିନ୍ ସେଲବନ୍’ ବି ରହିଛି । ଫିଲ୍ମର ସୁଟିଂ ବହୁତ ଦ୍ରୁତ ଗତିରେ ଚାଲିଛି । ଏହା ଏକ ଐତିହାସିକ ଚଳଚ୍ଚିତ୍ର, ଯାହାକି କଲ୍କି କୃଷ୍ଣମୂର୍ତ୍ତିଙ୍କ ଉପନ୍ୟାସ ‘ପୋନ୍ନିୟିନ୍ ସେଲବନ୍’ ଉପରେ ଆଧାରିତ । ଏହି ଉପନ୍ୟାସ ୧୯୫୫ ମସିହାରେ ଆସିଥିଲା । ଏଥିରେ ଐଶ୍ୱର୍ଯ୍ୟା ରାୟ ବଚ୍ଚନ, ବିକ୍ରମ, ପ୍ରକାଶ ରାଜ, ତୃଶା, କାର୍ତ୍ତି, ଜୟରାମ ରବି, ଶୋଭିତା ଏବଂ ଧୁଲିପାଲାଙ୍କ ସମେତ ବଲିଉଡ ଏବଂ ଟଲିଉଡର ବହୁ କଳାକାରଙ୍କୁ ଦେଖିବାକୁ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ସପ୍ତାହ ମଧ୍ୟରେ ପୁଡୁଚେରୀରେ ଫିଲ୍ମର ସୁଟିଂ ଶେଷ ହେବା ପରେ ଟିମ୍ ଗତ ସପ୍ତାହରେ ମଧ୍ୟପ୍ରଦେଶର ମହେଶ୍ୱରରେ ପହଞ୍ଚିଛନ୍ତି । ଯେଉଁଠାରେ ଐଶ୍ୱର୍ଯ୍ୟା ରାୟ ବଚ୍ଚନ ୪୦୦ରୁ ଅଧିକ ଜୁନିୟର କଳାକାରଙ୍କ ସହ ଏକ ସୁଟ୍ କରିଛନ୍ତି । ଏକ ସୂତ୍ରରୁ ପ୍ରକାଶ ଯେ, ‘ଐଶ୍ୱର୍ଯ୍ୟା ଏଠାରେ ଦୁଇ ଦିନ ସୁଟିଂ ପାଇଁ ଥିଲେ । ବାକି କାଷ୍ଟ ଏବଂ କ୍ରୁମାନେ ଗତ ସପ୍ତାହରୁ ଓରଚ୍ଚା, ଗ୍ୱାଲିଅର୍ ଏବଂ ମହେଶ୍ୱରରେ ଅଛନ୍ତି । ମଣି ରତ୍ନମ ଏକ ବଡ଼ ସ୍ତରରେ ଏକ ଗୀତ ଶୁଟିଂ କରିବାକୁ ଚାହୁଁଥିଲେ, ଯେଉଁଥିପାଇଁ ସେ ୪୦୦ରୁ ଅଧିକ ଜୁନିଅର କଳାକାରଙ୍କୁ ସାମିଲ କରିବାକୁ ନିଷ୍ପତ୍ତି ନେଇଥିଲେ ।’ ଏହି ଫିଲ୍ମଟି ଏକ ବଡ ବଜେଟ୍ ସହିତ ସୁଟିଂ କରାଯାଇଛି । ସେ କହିଛନ୍ତି, “ପ୍ରାୟ ୫୦୦ କୋଟି ଟଙ୍କା ବଜେଟରେ ଏହି ଫିଲ୍ମ ନିର୍ମାଣ କରାଯାଉଛି ।