ବଲିଉଡ କଳାକାରଙ୍କ ନିଶା ସଂପୃକ୍ତି ମାମଲା : ଆଉ ଗୋଟିଏ ପାଦ ଆଗକୁ ବଢ଼ିଲା ନାରକୋଟିକ୍ସ କଂଟ୍ରୋଲ ବ୍ୟୁରୋ : ଆଜି ଏନସିବିରେ ହାଜର ହେବେ ଅଭିନେତା ଅର୍ଜୁନ୍ ରାମପାଲ
ପୂର୍ବରୁ ରାମପାଲଙ୍କ ଘରେ ଚଢ଼ାଉ କରିଥିଲା ଏନସିବି
କନକ ବ୍ୟୁରୋ : ବଲିଉଡ କଳାକାରଙ୍କ ନିଶା ସଂପୃକ୍ତି ମାମଲାରେ ଆଉ ଗୋଟିଏ ପାଦ ଆଗକୁ ବଢ଼ିଛି ନାରକୋଟିକ୍ସ କଂଟ୍ରୋଲ ବ୍ୟୁରୋ । ଅଭିନେତା ଅର୍ଜୁନ୍ ରାମପାଲଙ୍କୁ ହାଜର ହେବା ପାଇଁ ନୋଟିସ୍ କରିଛି ଏନସିବି । ଆଜି ଦିନ ୧୦ଟାରେ ଏନସିବିରେ ହାଜର ହେବେ ଅର୍ଜୁନ ରାମପାଲ । ପୂର୍ବରୁ ଗତ ୯ ତାରିଖରେ ତାଙ୍କ ଘରେ ଚଢ଼ାଉ କରି ଛାନଭିନ୍ କରିଥିଲା ଏହି କେନ୍ଦ୍ରୀୟ ତଦନ୍ତକାରୀ ଟିମ୍ ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ଅର୍ଜୁନ ରାମାପାଲଙ୍କ ଘରୁ କିଛି ବୈଦ୍ୟୁତିକ ଉପକରଣ ଏବଂ କିଛି ନିସିଦ୍ଧ ଔଷଧ ଜବତ କରିଥିଲା ଏନସିବି । ଗତ ବୁଧବାର ଦିନ ରାମପାଲଙ୍କ ଗର୍ଲଫ୍ରେଣ୍ଡଙ୍କୁ କ୍ରମାଗତ ୬ ଘଂଟା ଧରି ଜେରା କରିଥିଲା ଏହି କେନ୍ଦ୍ରୀୟ ତଦନ୍ତକାରୀ ଟିମ୍ । ତେବେ ଏହି ଜେରା ସରିନଥିବାରୁ ପୁଣି ଥରେ ରାମପାଲଙ୍କ ଗର୍ଲଫ୍ରେଣ୍ଡଙ୍କୁ ମଧ୍ୟ ସମନ୍ କରିଛି ଏନସିବି ।