ବଲିଉଡ୍ ଅଭିନେତା ସୁଶାନ୍ତ ସିଂ ମୃତ୍ୟୁ ମାମଲା । ଆଜି ସୁପ୍ରିମକୋର୍ଟରେ ଶୁଣାଣି, ରିୟା ଚକ୍ରବର୍ତିଙ୍କ ଆବେଦନର ଆସିବ ରାୟ
କନକ ବ୍ୟୁରୋ : ସୁଶାନ୍ତ ସିଂ ରାଜପୁତ ମୃତ୍ରୁ୍ୟ ମାମଲା । ମାମଲାର ତଦନ୍ତ ପାଟନାରୁ ମୁମ୍ବାଇକୁ ସ୍ଥାନାନ୍ତର କରିବା ନେଇ ରିୟା ଚକ୍ରବର୍ତ୍ତୀ ସୁପ୍ରିମକୋର୍ଟରେ କରିଥିବା ମମଲାର ଆଜି ଶୁଣାଣି କରିବେ ସର୍ବୋଚ୍ଚ ନ୍ୟାୟାଳୟ । ଗୋଟିଏ ପଟେ ସୁଶାନ୍ତ ସିଂ ରାଜପୁତଙ୍କ ପରିବାର ସିବିଆଇ ତଦନ୍ତର ଦାବିକୁ ଜେରା କରୁଛନ୍ତି । ବିହାର ପାଟନାରେ ରୁଜୁ ହୋଇଥିବା ମାମଲାକୁ ମୁମ୍ବାଇ ପୁଲିସକୁ ସ୍ଥାନାନ୍ତର କରିବା ନେଇ ରିୟା ଚକ୍ରବର୍ତି ଆବେଦନ କରିଥିଲେ । ତେବେ ଏଥିରେ ଆପତ୍ତି କରି ପୂର୍ବରୁ ସୁଶାନ୍ତଙ୍କ ପିତା ବି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଯେଉଁଥିରେ ସୁଶାନ୍ତି ସିଂଙ୍କ ପରିବାର ପକ୍ଷରୁ କୁହାଯାଇଥିଲା ମାମଲା ସିବିଆଇକୁ ଦିଆଯାଇ ସାରିଛି ।ଏଣୁ ବିହାର ପୁଲିସର କାଗଜପତ୍ର ମୁମ୍ବାଇ ପୁଲିସକୁ ହସ୍ତାନ୍ତର ହୋଇପାରିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ମୁମ୍ବାଇ ପୁଲିସର କାର୍ଯ୍ୟଶୈଳି ଆରମ୍ଭରୁ ସନ୍ଦେହ ଘେରରେ ରହିଛି । ଏମିତିକି ମହାରାଷ୍ଟ୍ର ସରକାରଙ୍କୁ ନେଇ ରାଜନୈତିକ ବୟାନବାଜି ବି ଚାଲିଛି । ସେପଟେ ସିବିଆଇକୁ ମାମଲା ହସ୍ତାନ୍ତର ହୋଇ ସାରିଛି । ଏହାସହ ଇଡି ବି ରିୟାଙ୍କୁ ଜେରା କରିଛି । ଏଭଳି ସ୍ଥିତିରେ ପାଟନାପୁଲିସର ମୂଳ ମାମଲା ମୁମ୍ବାଇକୁ କେମିତି ସ୍ଥାନାନ୍ତରିତ ହେବ ତାହା ସବୁଠାରୁ ବଡ ଦିଗ । ଏହା ପରେ କଣ ନିଷ୍ପତ୍ତି ନେବେ ସୁପ୍ରିମକୋର୍ଟ । ଆଜି ରିୟାଙ୍କ ମାମଲା ସ୍ଥାନାନ୍ତରଣ ଆବେଦନ ଉପରେ କଣ ନିଷ୍ପତ୍ତି ନେଉଛନ୍ତି ସର୍ବୋଚ୍ଚ ନ୍ୟାୟାଳୟ ତା ଉପରେ ସମସ୍ତଙ୍କ ନଜର ରହିଛି । ସୁପ୍ରିମକୋର୍ଟଙ୍କ ଏହି ରାୟ ପରେ ମାମଲାରେ ସିବିଆଇ ତଦନ୍ତ ସମ୍ପର୍କରେ ମଧ୍ୟ ସ୍ପଷ୍ଟ ହେବ ବୋଲି ଆଶା କରାଯାଉଛି ।