କରୋନା ସମୟରେ ପୁଣି ଚାଷୀଙ୍କୁ ସାହା ହେଲେ ବଲିଉଡ୍ ଅଭିନେତା ସୋନୁ ସୁଦ : ଦୁଇ ଝିଅଙ୍କ ହଳ କରୁଥିବା ଭାଇରାଲ ଭିଡିଓ ଦେଖିବା ପରେ ଚାଷୀ ପରିବାରକୁ ଉପହାର ଦେଲେ ନୂଆ ଟ୍ରାକ୍ଟର
ଗରିବ ନାଗେଶ୍ୱରଙ୍କ ପରିବାର ମୁହଁରେ ଫୁଟାଇଲେ ହସ
କନକ ବ୍ୟୁରୋ : ସୋସିଆଲ୍ ମିଡିଆରେ ଭିଡିଓ ଭାଇରାଲ ପରେ ଆନ୍ଧ୍ରପ୍ରଦେଶର ଜଣେ ଗରିବ ଚାଷୀ ପରିବାରକୁ ସୋନୁ ସୁଦ ବଢାଇଛନ୍ତି ସହାୟତାର ହାତ । ସହାୟତା ଏପରି କରିଛନ୍ତି ଶୁଣିଲେ ଆପଣ ବି ଚକିତ ହୋଇଯିବେ । ଅର୍ଥ ଅଭାବ କାରଣରୁ ନାଗେଶ୍ୱର ହଳ କିଣି ପାରୁନଥିଲେ । ତେଣୁ ତାଙ୍କର ଦୁଇ ଝିଅଙ୍କୁ ବ୍ୟବହାର କରି ସେ ହଳ କରି ଚାଷ କାମ କରି ଆସୁଥିଲେ । ଗରିବ ଚାଷୀ ପରିବାରର ଏପରି ଏକ ଭିଡିଓ ଦେଖିବା ପରେ ବଲିଉଡ୍ ଅଭିନେତା ସୋନୁ ସୁଦଙ୍କ ହୃଦୟ ତରଳି ଯାଇଥିଲା । ସୋନୁ ସୁଦଙ୍କ ନଜରକୁ ଏହି ଭିଡିଓ ଆସିବା ମାତ୍ରେ, ସୋନୁ ସୁଦ୍ ଏହି ଶ୍ରମିକଙ୍କ ଠିକଣା ବୁଝିଥିଲେ । ଜଣା ପଡିଥିଲା ଏହି ଶ୍ରମିକ ହେଉଛନ୍ତି ନାଗେଶ୍ୱର ରାଓ, ଘର ଆନ୍ଧ୍ର ପ୍ରଦେଶର ଚିତୁରରେ । ଏହା ପରେ ସୋନୁ ଏହି ଗରିବ ଅଭାବୀ ଶ୍ରମିକଙ୍କ ପରିବାରକୁ ଏକ ନୂଆ ଟ୍ରାକ୍ଟର ଉପହାର ଆକାରରେ ପଠାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନାଗେଶ୍ୱରଙ୍କ ପରିବାର ଏବେ ଏହି ନୂଆ ଟ୍ରାକ୍ଟର ପାଇବା ପରେ ନିଜ ଆଖିକୁ ବି ବିଶ୍ୱାସ ବି କରିପାରୁନାହାନ୍ତି । ଏବେ ଚାଷ କାମ ସହଜ ହୋଇଯିବ । ମଣିଷ ନୁହଁ ଜମିରେ ହଳ କରିବ ଟ୍ରାକ୍ଟର । ଏକଥା ଭାବିବା ବେଳକୁ ନାଗେଶ୍ୱରଙ୍କ ପରିବାର ଖୁସିରେ ଏବେ ଆତ୍ମହରା । ସାରା ଦେଶ କରୋନା ସହ ଲଢୁଥିବା ବେଳେ ସୋନୁ ସୁଦଙ୍କ ଏପରି ବଦାନ୍ୟତା ପାଇଁ ନାଗେଶ୍ୱରଙ୍କ ପରିବାର ତାଙ୍କୁ କୃତଜ୍ଞତା ଜଣାଇଛନ୍ତି ।