ଜେଲରେ ଅନଶନ କରି ଅସୁସ୍ଥ ପାଟଣାଗଡ ପାର୍ସଲ ବୋମା ବିସ୍ଫୋରଣର ମାଷ୍ଟର ମାଇଣ୍ଡ । ବଲାଙ୍ଗୀର ମୁଖ୍ୟ ଚିକିତ୍ସାଳୟରେ ଭର୍ତ୍ତି ହେଲା ପୁଞ୍ଜିଲାଲ

ପାଟଣାଗଡ ସବଜେଲରୁ ବଲାଙ୍ଗୀର ଜେଲକୁ ସ୍ଥାନାନ୍ତର ଦିନଠୁ ଖାଉନି ପୁଂଜିଲାଲ

230

କନକ ବ୍ୟୁରୋ: ଜେଲରେ ଅନଶନ କରି ଅସୁସ୍ଥ ପାଟଣାଗଡ ପାର୍ସଲ ବୋମା ବିସ୍ଫୋରଣର ମାଷ୍ଟର ମାଇଣ୍ଡ । ଅସୁସ୍ଥ ପୁଂଜିଲାଲ ମେହେରକୁ ଗତକାଲିଠାରୁ ବଲାଙ୍ଗୀର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗତକାଲି ପୁଂଜିଲାଲର ବିଭିନ୍ନ ପ୍ରକାର ସ୍ୱାସ୍ଥ୍ୟଗତ ପରୀକ୍ଷା ନୀରିକ୍ଷା କରାଯାଇଛି ।

 

ତେବେ ଆଜି ତାର ସବୁ ରିପୋର୍ଟ ଆସିବା ପରେ ସେ ଡାକ୍ତରଖାନାରେ ରହିବ ନା ପୁଣି ଜେଲକୁ ଯିବ ନେଇ ନିଷ୍ପତି ନିଆଯିବ । ପାଟଣାଗଡ ସବଜେଲରୁ ବଲାଙ୍ଗୀର ମୁଖ୍ୟଜେଲକୁ ସ୍ଥାନାନ୍ତର ହେବା ଦିନଠାରୁ ଖାଦ୍ୟ ଖାଉନି ପୁଂଜିଲାଲ । ଅନଶନ କରି ସେ ଅସୁସ୍ଥ ହୋଇ ପଡିଛି । ଡାକ୍ତରଖାନାରେ ଥିବା ବେଳେ ପ୍ରତିକ୍ରିୟା ରଖିଛନ୍ତି ପୁଂଜିଲାଲ । କହିଛନ୍ତି ତାଙ୍କୁ ଫେସଇ ଦିଆଯାଇଛି ।

ସୂଚନାଯୋଗ୍ୟ ଯେ, ଗତ ୮ ତାରିଖ ବଲାଙ୍ଗୀର ଜେଲ୍‌କୁ ଆସିବା ଦିନରୁ ପୁଞ୍ଜିଲାଲ ଅନଶନ ଜାରି ରଖିଛି। ପୁଞ୍ଜିଲାଲ ଖାଦ୍ୟ କିଛି ଗ୍ରହଣ କରୁନଥିବାବେଳେ କେବଳ ଗ୍ଲୁକୋଜ ପାଣି ପିଉଛି। ବୁଧବାର ସଂଧ୍ୟା ସମୟରେ ସ୍ୱାସ୍ଥ୍ୟାବସ୍ଥା ଟିକିଏ ବିଗିଡିବାରୁ ତାକୁ ଜେଲ୍‌ ଭିତରେ ଥିବା ହସପିଟାଲରେ ଭର୍ତ୍ତି କରାଯାଇ ସାଲାଇନ ଦିଆଯାଇଥିଲା । କିଛିଦିନ ତଳେ ପୁଞ୍ଜିଲାଲକୁ ପାଟଣାଗଡ଼ରୁ ବଲାଙ୍ଗୀର ଜେଲ୍‌କୁ ସ୍ଥାନାନ୍ତର କରାଯାଇଛି। ତାକୁ ଜେଲ୍‌ର ଏକ ସ୍ବତନ୍ତ୍ର ସେଲ୍‌ରେ ଏବଂ ସିସିିଟିଭି ନଜରରେ ରଖାଯାଇଛି। ତେବେ, ଜେଲ୍‌ରେ ପହଞ୍ଚିବା ପରଠାରୁ ସେ ଅନଶନ ଚଳାଇଛି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.