ବାଲାଙ୍ଗୀରରେ ଅଭାବନୀୟ କାଣ୍ଡ: ଝିଅକୁ ଜାଳିଲା ବାପା; ଅଭିଯୋଗ ଆଣିଲେ ମାମୁଁଘର ଲୋକେ, ଗୁରୁତର ଅବସ୍ଥାରେ ମେଡିକାଲରେ ନାବାଳିକା
କନକ ବ୍ୟୁରୋ: ନାବାଳିକା ଝିଅକୁ ପୋଡି ହତ୍ୟା ଉଦ୍ୟମ । ବାପାଙ୍କ ନାଁରେ ଅଭିଯୋଗ ଆଣିଲେ ମାମୁଁଘର ଲୋକ । ବଲାଙ୍ଗୀର ଜିଲ୍ଲା ବେଲପଡା ଥାନା ଡେବ୍ରିପାଲି ଗାଁରେ ଘଟିଛି ଏହି ଘଟଣା । ନାବାଳିକାକୁ କିରୋସିନ ଢାଳି ପୋଡି ହତ୍ୟା କରିବାକୁ ଉଦ୍ୟମ କରାଯାଇଥିଲା । ଗୁରୁତର ଅବସ୍ଥାରେ ନାବାଳିକାକୁ ଉଦ୍ଧାର କରାଯାଇ ଭୀମଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତି କରାଯାଇଛି । ସେପଟେ ଝିଅର ମାମୁଁଘର ଲୋକେ ଏପରି କାଣ୍ଡ ପଛରେ ବାପା ଅରକ୍ଷିତ ନାଗଙ୍କ ହାତ ରହିଛି ବୋଲି ଅଭିଯୋଗ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅରକ୍ଷିତ ଦୁଇଟି ସ୍ତ୍ରୀ ବାହା ହୋଇଥିବା ବେଳେ, ପୋଡି ହତ୍ୟା ଉଦ୍ୟମ କରାଯାଇଥିବା ନାବଳିକା ଜଣକ ହେଉଛନ୍ତି ପ୍ରଥମ ସ୍ତ୍ରୀଙ୍କ ଝିଅ । ତେବେ ଛୋଟବେଳୁ ସେ ମାମୁଁ ଘରେ ରହିଆସୁଥିଲେ । ଗତ କିଛି ମାସ ପୂର୍ବରୁ ଗାଁରେ ବୈଠକ ବସି ବାପା ପାଖରେ ରହିଆସୁଥିଲେ ନାବାଳିକା ଝିଅ । ହେଲେ ବାପା ଘରେ ଝିଅକୁ ରଖିବାକୁ ଚାହୁଁନଥିବା କାରଣରୁ ଏଭଳି ହତ୍ୟା ଉଦ୍ୟମ କରିଥିବା କହିଛନ୍ତି ନାବାଳିକା ଝିଅର ମାମୁଁଘର ଲୋକେ । ସେପଟେ ମେଡିକାଲରେ ନାବାଳିକାର ଅବସ୍ଥା ଗୁରୁତର ରହିଛି ।