ବାହାଘର ପରେ କନ୍ୟା ଫେରାର। ପ୍ରେମିକ ସହ ବାଇକରେ ମାରିଲେ ଚମ୍ପଟ।
କନକ ବ୍ୟୁରୋ: ବାହାଘର ସରିିଥିଲା । ରାତି ପାହିଲେ କନ୍ୟାକୁ ସାଙ୍ଗରେ ଧରି ଯୁବକ ଫେରିଥାନ୍ତେ ଘରକୁ । କିନ୍ତୁ, ହାତଗଣ୍ଠି ପରେ ଶାଶୁଘରକୁ ଫେରିବା ବଦଳରେ ପ୍ରେମିକ ସହ ଫେରାର ହୋଇଯାଉଛନ୍ତି କନ୍ୟା । କନ୍ୟା ଘରୁ ବାହାରି ଜଣେ ବ୍ୟକ୍ତିଙ୍କ ବାଇକରେ ବସି ଚାଲିଯାଉଥିବା ଦେଖିବାକୁ ମିଳିଛି । ବଲାଙ୍ଗୀର ବ୍ରାହ୍ମଣପଡାରେ ଗୁରବାର ରାତିରେ ଏଭଳି ଏକ ଘଟଣା ବେଶ ଚର୍ଚ୍ଚାର ବିଷୟ ହୋଇଛି । ବର ଶିଶୁପାଳ ହୋଇ ଫେରି ଥାନାରେ ଏତଲା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବଲାଙ୍ଗୀର ଜିଲ୍ଲା ଦେଓଗାଁ ଅଞ୍ଚଳର ଯୁବକ ପ୍ରେମ କୁମାର ମାଝିଙ୍କ ସହ ବାଲାଙ୍ଗୀର ବ୍ରାହ୍ମଣପଡା ଅଞ୍ଚଳର ଯୁବତୀଙ୍କ ସହ ଗୁରବାର ବିବାହ ହୋଇଥିଲା । ଉଭୟ ଫୋନରେ କଥା ହେଉଥିଲେ, ଏକାଠି ବୁଲୁଥିଲେ । ଏହାର ଫଟୋ ମଧ୍ୟ ସାମ୍ନାକୁ ଆସିିଛି । ତେବେ ୭ ମାସର ସମ୍ପର୍କ ପରେ ହାତଗଣ୍ଠି ପଡ଼ିଥିଲା । ହେଲେ ଶେଷ ମୂହୁର୍ତ୍ତରେ କନ୍ୟା ବରକୁ ଛାଡ଼ି ଫେରାର ହୋଇଛନ୍ତି । ଝିଅ ବିଦା ବେଳକୁ ଘର ଲୋକ ଯେତେବେଳେ ଝିଅଙ୍କୁ ଖୋଜିଥିଲେ ସେତେବେଳେ ପାଇନଥିଲେ । ଘଟଣାକୁ ନେଇ ବରପକ୍ଷ ଓ କନ୍ୟା ପକ୍ଷ ଲୋକ ବଲାଙ୍ଗୀର ଟାଉନ ଥାନାରେ ଅଭିଯୋଗ କରିଛନ୍ତି । ଝିଅ ସୁନାଗହଣା ନେଇ ଫେରାର ହୋଇଥିବା ଜଣାପଡିଛି । ଅଭିଯୋଗ ପରେ ଉଭୟ ଯୁବକ ଓ ଯୁବତୀଙ୍କ ଖୋଜାଖୋଜି ଆରମ୍ଭ ହୋଇଛି । ତେବେ ସେମାନଙ୍କ ମୋବାଇଲ ସୁଇଚ ଅଫ ଥିବାରୁ ପୁଲିସ ସତ ଜାଣିବା ପାଇଁ ଅକଳରେ ପଡିଛି ।