ଗଙ୍ଗାରେ ଭାସୁଛି ଶବ । ସ୍ଥାନୀୟ ଅଞ୍ଚଳରେ ଆତଙ୍କ, ସଂକ୍ରମିତ ହୋଇପାରେ କି ନଦୀ ଜଳ?
କନକ ବ୍ୟୁରୋ :ଗତ ଦୁଇଦିନ ମଧ୍ୟରେ ଉତ୍ତରପ୍ରଦେଶ ଓ ବିହାରରେ ଗଙ୍ଗାରୁ ୭୦ରୁ ଅଧିକ ମୃତଦେହ ସ୍ଥାନୀୟ ପ୍ରଶାସନ ଦ୍ୱାରା ଉଦ୍ଧାର କରାଯ଼ାଇଛି । ତେବେ ଗଙ୍ଗାନଦୀରେ ଶବ ଭାସିବା ଦ୍ୱାରା ଉଭୟ ଉତ୍ତରପ୍ରଦେଶ ଓ ବିହାରରେ ଆତଙ୍କର ବାତାବରଣ ସୃଷ୍ଟି ହୋଇଛି । ନଦୀରେ କୋରନା ରୋଗୀଙ୍କ ମୃତଦେହ ଭାସିବା ଦ୍ୱାରା ନଦୀ ଜଳ ସଂକ୍ରମିତ ହୋଇଥିବା ଆଶଙ୍କା କରାଯ଼ାଉଛି । ଗଙ୍ଗାନଦୀରେ ଶବ ଭାସିବା ଦ୍ୱାରା ଉଭୟ ଉତ୍ତରପ୍ରଦେଶ ଓ ବିହାରରେ ଆତଙ୍କ ସୃଷ୍ଟି ହୋଇଛି । ତେବେ ଏଠାରେ ପ୍ରଶ୍ନ ଉଠୁଛି, ନଦୀ ଦଳ ଦ୍ୱାରା କଣ କରୋନା ଭୁତାଣୁ ବ୍ୟାପିପାରିବ ? ଆଉ ଏକ ପ୍ରଶ୍ନ ହେଉଛି କଣ ମୃତଦେହ ମାଧ୍ୟମରେ କରୋନା ଭୁତାଣୁ ବ୍ୟାପିପାରିବ ?
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ସ୍ୱାସ୍ଥ୍ୟ ସଂଗଠନ ସମେତ ବିଶ୍ୱର ଅନ୍ୟ କେତେକ ବିଶେଷଜ୍ଞ ସଂସ୍ଥାଙ୍କ କହିବା ଅନୁସାରେ କରୋନା ଭୁତାଣୁ ମୁଖ୍ୟତଃ ଡ୍ରପଲେଟ ଆକାରରେ ଉଡ଼ି ଲୋକମାନଙ୍କୁ ଆକ୍ରାନ୍ତ କରିଥାଏ । ଜଣେ ଆକ୍ରାନ୍ତ ବ୍ୟକ୍ତି ଛିଙ୍କିବା, କାଶିବା ଦ୍ବାରା ଡ୍ରପଲେଟ ବାହାରି ନିକଟରେ ଥିବା ବ୍ୟକ୍ତିମାନଙ୍କୁ ସଂକ୍ରମିତ କରିଥାଏ । କିନ୍ତୁ ଏହି ଭୁତାଣୁ ଜଳ ମାଧ୍ୟମରେ ବ୍ୟାପୁଥିବାର କୌଣସି ପ୍ରମାଣ ଏପର୍ଯ୍ୟନ୍ତ ମିଳିନାହିଁ । ଏଣୁ ପ୍ରବାହମାନ ନଦୀ ଦଳ ଦ୍ବାରା କରୋନା ବ୍ୟାପିବାର ସମ୍ଭାବନା କମ ।
ଅନ୍ୟପକ୍ଷରେ ମୃତଦେହରୁ କରୋନା ବ୍ୟାପିବା ନେଇ ମଧ୍ୟ କୌଣସି ପ୍ରମାଣ ମିଳିନାହିଁ । ତେବେ ସଂକ୍ରମିତଙ୍କ ମୃତଦେହକୁ ସୁରକ୍ଷିତ ଭାବେ ପିପିଇ କିଟ୍ ପିନ୍ଧି ସଂସ୍କାର କରିବାକୁ ଭାରତୀୟ ସ୍ୱାସ୍ଥ୍ୟ ମନ୍ତ୍ରାଳୟ ଗାଇଡଲାଇନ ଜାରି କରିଛି । ଏହି ଗାଇଡଲାଇନ ଅନୁସାରେ ଭାରତରେ ସତର୍କତାର ସହ କରୋନା ଆକ୍ରାନ୍ତଙ୍କ ଶବସଂସ୍କାର ହେଉଛି ।