ଚିଲିକାରେ ବନ୍ଦ ହେଲା ଡଙ୍ଗା ଚଳାଚଳ । ପାଗରେ ପରିବର୍ତ୍ତନ ଯୋଗୁ ଯାତ୍ରୀବାହୀ ଡଙ୍ଗା ବାତିଲ ।

କନକ ବ୍ୟୁରୋ: ଚିଲିକାରେ ବନ୍ଦ ହେଲା ଡଙ୍ଗା ଚଳାଚଳ । ବାତ୍ୟା ଭୟ ଟଳିଯାଇଛି ହେଲେ ହେବାକୁ ଥିବା ବର୍ଷା ଯୋଗୁ ପ୍ରଶାସନ ପକ୍ଷରୁ ନିଆଯାଉଛି ପଦକ୍ଷେପ । ପାଗରେ ପରିବର୍ତନ ଯୋଗୁ ଚିଲିକାରେ ସମସ୍ତ ଯାତ୍ରୀବାହୀ ଡଙ୍ଗା ଉପରେ ରୋକ୍ ଲଗାଯାଇଛି । ପୁରୀ ଜିଳ୍ଲାପାଳଙ୍କ ନିର୍ଦ୍ଦେଶ ଅନୁସାରେ କିଛି ଦିନ ଯାଏ ଚିଲିକାରେ ଡଙ୍ଗା ଚଳାଚଳ ବନ୍ଦ ରହିବ । ଏନେଇ ଆଜି ସକାଳୁ ସକାଳୁ ଡଙ୍ଗାରେ ଯିବାକୁ ବାହାରିଥିବା ଲୋକେ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି । ଶହଶହ ଯାତ୍ରୀ ନିରାଶ ହୋଇ ଚିଲିକା କୂଳରୁ ଫେରିଆସିଛନ୍ତି ।