ବିରୋଧୀ ନୁହେଁ, ଦଳ ଭିତରୁ ବିରୋଧ : ବିରୋଧି ନୁହେଁ ଖୋଦ ବିଜେପିର ଶ୍ରମିକ ସଂଗଠନ ବିଏମଏସ୍ ଶ୍ରମ ଆଇନକୁ କଲା ବିରୋଧ । ଏନେଇ ବିଏମଏସ୍ ପକ୍ଷରୁ ବିଲକୁ ବିରୋଧ କରି ଅକ୍ଟୋବର ୨ ରୁ ୪ ଯାଏଁ କରିବ ସଭା ।
କନକ ବ୍ୟୁରୋ: କେନ୍ଦ୍ରସରକାରଙ୍କ ଶ୍ରମ ସଂଶୋଧନ ବିଲକୁ ନେଇ ସଂଘ ପରିବାର ଭିତରେ ମତଭେଦ ଆରମ୍ଭ ହୋଇଥିଲା । ଏବେ କିନ୍ତୁ ଏହି ବିଧେୟକକୁ ବିରୋଧ କରିଛି ସଂଘ ପରିବାର ସହ ଯୋଡି ହୋଇଥିବା ଭାରତୀୟ ମଜଦୁର ସଂଘ ବା ବିଏମଏସ୍ । ଲୋକସଭା ଦ୍ୱାରା ପାରିତ ୩ ଟି ଯାକ ଶ୍ରମ ସଂଶୋଧନ ଆଇନକୁ ବିରୋଧ କରିଛି ବିଏମଏସ । ଏନେଇ ବିଏମଏସର ସାଧାରଣ ସଂପାଦକ ପୱନ କୁମାର କହିଛନ୍ତି କି ଯେଭଳି ଭାବେ ସରକାର ୩ ଟି ଯାକ ଶ୍ରମ ଆଇନକୁ ପାରିତ କରିଛନ୍ତି ବିଏମଏସ ତାହାର ବିରୋଧ କରୁଛି । ସରକାର ଏହାକୁ ବିନା ବିଚାର ବିମର୍ଷରେ ପାରିତ କରିଛନ୍ତି ଆମେ ତାକୁ ବିରୋଧ କରୁଛୁ । ସରକାର ଏହାକୁ ଏତେଶିଘ୍ର ପାରିତ କରିବା ଠିକ୍ ନୁହେଁ । ଦୀର୍ଘ ସମୟ ବିଚାର ବିମର୍ଷ, ଶାସକ ଓ ବିରୋଧୀ ସାଂସଦଙ୍କ ମତ ଲୋଡିବାର ଆବଶ୍ୟକ ଥିଲା । ଏହି ବିଲ ନେଇ ଆମେ ଯେଉଁ ଦାବି ଉଠାଇଥିଲୁ ସରକାର ତାହାକୁ ବିଲରେ ସ୍ଥାନିତ କରିନାହାନ୍ତି । ଶ୍ରମ କୋଡରେ ଥିବା ଶ୍ରମିକ ମାନଙ୍କ ସାମାଜିକ ସୁରକ୍ଷାକୁ ସାର୍ବଜନୀନ କରିବାକୁ ଆମେ ଦାବି କରିଥିବା ବେଳେ ସରକାର ଏହାକୁ ଗ୍ରହଣ କରିନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ସେ ପ୍ରଥମେ କହିଥିଲେ କି ଆମେ ସରକାରଙ୍କ ପାଖରେ ଦାବି କରିଥିଲୁ କି ଅଣବ୍ୟବସାୟିକ କ୍ଷେତ୍ରରେ ଯେଉଁ ସୁରକ୍ଷାର ପ୍ରାବଧାନ ରହିଛି ତାହାକୁ ସବୁକ୍ଷେତ୍ରରେ ଶ୍ରମିକ ମାନଙ୍କ ପାଇଁ ଲାଗୁ କରାଯାଉ । ହେଲେ ଏବେ ଯେଉଁ ଶ୍ରମିକ ସୁରକ୍ଷା ବିଲ୍ ପାରିତ ହୋଇଛି ସେଥିରେ କେବଳ କମ୍ପାନୀ ଅଧିନରେ କାମ କରୁଥିବା ଶ୍ରମିକଙ୍କ ପାଇଁ ତାହା ଲାଗୁ ହେବ । ହେଲେ ସମାନ କମ୍ପାନୀରେ ଠିକାଦାରଙ୍କ ଅଧିନରେ କାମ କରୁଥିବା ଶ୍ରମିକଙ୍କ କ୍ଷେତ୍ରରେ ତାହା ଲାଗୁ ହେବ ନାହିଁ ।
ସେ ଆହୁରି କହିଛନ୍ତି କି ଏଭଳ କାନୁନକୁ ନେଇ ଭାରତୀୟ ମଜଦୁର ସଂଘ ପକ୍ଷରୁ ଏକ ବଡ ବିରୋଧ ସରକାରଙ୍କ ସାମ୍ନାରେ ରଖାଯାଇଛି । ସେ ଦାବି କରିଛନ୍ତି କି ସାମାଜିକ ସୁରକ୍ଷା କୋଡ ବିଲରେ ଇଏସଆଇସି ଓ ଇପିଏଫଓ ଅର୍ଥାତ୍ ଭବିଷ୍ୟନିଧି ପାଣ୍ଠି ସହିତ ଜଡିତ ସମସ୍ତ ସୁବିଧା ଦେଶର ସବୁବର୍ଗର ଶ୍ରମିକଙ୍କୁ ମିଳିବାର ଆବଶ୍ୟକତା ରହିଛି । ସରକାର ଆମର ଏହି ଦାବିକୁ ବିଲ୍ ର ଯୋଡି ନାହାନ୍ତି । ଏନେଇ ଭାରତୀୟ ମଜଦୁର ସଂଘ ପକ୍ଷରୁ ୨ ରୁ ୪ ଅକ୍ଟୋବର ୩ ଦିନ ବ୍ୟାପି ଭର୍ଚୁଆଲ କନଫେରେନ୍ସ ଆୟୋଜିତ ହେବ । ଯେଉଁଠି ୩ ହଜାର କର୍ମକର୍ତ୍ତା ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି ବୈଠକରେ ଆମେ ଏହି ବିଲକୁ ନେଇ ଆଗାମୀ ରଣନୀତି ପ୍ରସ୍ତତ କରିବୁ ବୋଲି ପୱନ କୁମାର କହିଛନ୍ତି ।