କନକ ବ୍ୟୁରୋ : ଗାଈ-ଗୋରୁଙ୍କୁ ରାସ୍ତାରେ ଛାଡ଼ିଲେ ଉଠାଇନେବ ବିଏମସି । ଏମିତି କି ରାସ୍ତା ଉପରକୁ ଗାଈ-ଗୋରୁ ଏବଂ ପୋଷା ଜୀବଙ୍କୁ ଛାଡ଼ୁଥିବା ମାଲିକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବାକୁ ଚେତବାନୀ ଦେଇଛି ଭୁବନେଶ୍ୱର ମହାନଗର ନିଗମ । ରାଜଧାନୀ ଭୁବନେଶ୍ୱରରେ ଗୃହପାଳିତ ଜନ୍ତୁଙ୍କ ଯୋଗୁଁ ଦୁର୍ଘଟଣାର ସଂଖ୍ୟା ବଢ଼ୁଥିବା ବିଏମସି ପକ୍ଷରୁ କୁହାଯାଇଛି । ବିଶେଷ କରି ରାତି ସମୟରେ ଗାଈ-ଗୋରୁଙ୍କ ଯୋଗୁଁ ଦୁର୍ଘଟଣା ହେଉଛି ।
Kanak News is now on WhatsApp
Join and get latest news updates delivered to you via WhatsApp
କେତେବେଳେ ଗୃହପାଳିତ ଜନ୍ତୁଙ୍କ ସହ ଗାଡ଼ି ଚାଳକ ଧକ୍କା ହେଉଥିବା ବେଳେ ଆଉ କେତେବେଳେ ଗୃହପାଳିତ ପଶୁଙ୍କୁ ବଞ୍ଚାଇବାକୁ ଯାଇ ଦୁର୍ଘଟଣା ହେଉଛି । ସେହିପରି ଭୁବନେଶ୍ୱର ଲିଙ୍କରାଜ ମନ୍ଦିର ଭଳି ପର୍ଯ୍ୟଟନ କ୍ଷେତ୍ରରେ ଗୁଡ଼ିକରେ ବୁଲା ଗାଈ-ଗୋରୁଙ୍କ ଯୋଗୁଁ ଅନେକ ସମସ୍ୟା ହେଉଥିବା କୁହାଯାଇଛି । ଏଭଳି ସ୍ଥିତିରେ ମାଲିକମାନେ ସଚେତନ ନହେଲେ ଗାଈ ଗୋରୁଙ୍କୁ ଉଠାଇନେଇ ଜାମୁକୋଳି ଏବଂ ଜଟଣୀ ଅଙ୍ଗନୱାଡ଼ି କେନ୍ଦ୍ର କିମ୍ବା ପୁରୀ ଗୋବିନ୍ଦ ଗୋ ସେବାଶ୍ରମକୁ ନିଆଯିବ ବୋଲି ବିଏମସି ପକ୍ଷରୁ କୁହାଯାଇଛି ।