ଅକ୍ଟୋବର/ ନଭେମ୍ବର ମାସ ପାଇଁ ପୂଜା ଗାଇଡଲାଇନ୍ ଆଣିଲା ବିଏମସି । ଜାଣନ୍ତୁ, ଜାରି ହେଲା କେଉଁ କେଉଁ ନୂଆ ନିୟମ…
କନକ ବ୍ୟୁରୋ: ଆସନ୍ତା ଅକ୍ଟୋବର ଓ ନଭେମ୍ବର ମାସରେ ହେବାକୁ ଯାଉଥିବା ପୂଜା ପାଇଁ ଗାଇଡଲାଇନ୍ ଧାର୍ଯ୍ୟ କରିଛି ବିଏମସି । କରୋନା ସଂକ୍ରମଣକୁ ଆଖି ଆଗରେ ରଖି ଭୁବନେଶ୍ୱର ମହାନଗର ନିଗମ ତରଫରୁ ଏହି ମାର୍ଗଦର୍ଶିକା ଜାରି କରାଯାଇଛି । ଆସନ୍ତା ମାସରେ ହେବାକୁ ଥିବା ଲକ୍ଷ୍ମୀ ପୂଜା, କାଳୀ ପୂଜା,କାର୍ତ୍ତିକ ବ୍ରତ ଓ କାର୍ତ୍ତିକ ପୂର୍ଣ୍ଣିମା ପାଇଁ ଏହି ଗାଇଡଲାଇନ୍ ଧାର୍ଯ୍ୟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୂଜା ପାଇଁ ବିଏମସିର ମାର୍ଗଦର୍ଶିକା
ଲକ୍ଷ୍ମୀ ପୂଜା, କାଳୀ ପୂଜା, କାର୍ତ୍ତିକ ବ୍ରତ ଓ କାର୍ତ୍ତିକ ପୂର୍ଣ୍ଣିମା ପାଇଁ ମାର୍ଗଦର୍ଶିକା
ପୂଜା ପାଇଁ ସାଧାରଣରେ ଏକାଠି ହେବା ପରେ ବିଏମସିର କଟକଣା
କୋଭିଡ୍ କଟକଣା ସହ ପୂଜା ମଣ୍ଡପରେ ପାଳନ ହୋଇପାରିବ
ସାମାଜିକ ଦୂରତା, ହାତ ଧୋଇବା ଉପରେ ଦେବାକୁ ପଡିବ ଗୁରୁତ୍ୱ@bmcbbsr #KanakNews pic.twitter.com/WL2fYIOIcz— Kanak News (@kanak_news) October 19, 2021
ତେବେ ନଜର ପକାନ୍ତୁ, ବିଏମସି ଆଣିଥିବା ଏହି ଗାଇଡଲାଇନ୍ ଉପରେ…
- କୋଭିଡ୍ କଟକଣା ସହ ମଣ୍ଡପ ବା ପେଣ୍ଡାଲରେ ପୂଜା ଆୟୋଜିତ ହୋଇପାରିବ । ହେଲେ ସେଠାରେ ସମସ୍ତ ପ୍ରକାର କୋଭିଡ୍ କଟକଣା ପାଳନ ହେବ । ପୂଜା ପାଇଁ ସ୍ଥାନୀୟ ଅଧିକାରୀଙ୍କ ଠାରୁ ଅନୁମତି ଆଣିବାକୁ ପଡିବ
- ପୂଜା ସମୟରେ ମଣ୍ଡପର ୩ ପାଶ୍ୱର୍ ବନ୍ଦ ରହିବ । ଅନ୍ୟ ଗୋଟିଏ ପାଶ୍ୱର୍ରେ ପୂଜାରୀ ଓ ଆୟୋଜକ ଯିବା ଆସିବା କରିପାରିବେ । ତେବେ ମଣ୍ଡପରେ ସାଧାରଣ ଦର୍ଶନ ବନ୍ଦ ରହିବ
- ମଣ୍ଡପରେ ଦେବାଦେବୀଙ୍କ ମୂର୍ତ୍ତିର ଉଚ୍ଚତା ୪ ଫୁଟର କମ ରହିବ
- ମଣ୍ଡପରେ କେବଳ ୭ ଜଣ ଲୋକ ଆୟୋଜକ ଭାବେ ରହିପାରିବେ
- ସମସ୍ତ ଆୟୋଜକ ଓ ପୂଜକ କୋଭିଡ୍ ଟିକା ନେଇଥିବା ଆବଶ୍ୟକ
- ପୂଜା ପରେ ଭସାଣ ଉତ୍ସବ ପାଇଁ ଅନୁମତି ମିଳିବ ନାହିଁ, କୃତ୍ରିମ ପୋଖରୀରେ ବିସର୍ଜନ ହେବ
- କାର୍ତ୍ତିକ ବ୍ରତରେ ହବିଷ୍ୟାଳୀମାନେ ମନ୍ଦିରରେ ଏକାଠି ହୋଇପାରିବେ ନାହିଁ
- କାର୍ତ୍ତିକ ପୂର୍ଣ୍ଣିମାରେ ଲୋକଙ୍କ ଭିଡକୁ ଦୃଷ୍ଟିରେ ରଖି ବିନ୍ଦୁସାଗର, ନଦୀକୂଳ ଅଞ୍ଚଳରେ ବିଏମସି କଟକଣା ଜାରି କରିଛି