ସଂକ୍ରମଣକୁ ଦେଖି ବିଏମସିର ନୂଆ ମାର୍ଗଦର୍ଶିକା । ଏଣିକି ବିବାହରେ କେବଳ ୧୦୦, ଅନ୍ତ୍ୟେଷ୍ଟି କ୍ରିୟାରେ ୫୦ ଲୋକଙ୍କୁ ଅନୁମତି ।
କନକ ବ୍ୟୁରୋ: ଭୁବନେଶ୍ୱରରୁ ବଢୁଥିବା ସଂକ୍ରମଣକୁ ଦେଖି ନୂଆ ମାର୍ଗଦର୍ଶିକା ଜାରି କରିଛି ଭୁବନେଶ୍ୱର ମହାନଗର ନିଗମ । ଏଣିକି ଭୁବନେଶ୍ୱର ଭିତରେ ହେଉଥିବା ବିବାହରେ କେବଳ ୧୦୦ ଜଣ ଲୋକ ଯୋଗ ଦେଇପାରିବେ । ସେହିପରି ଅନ୍ତ୍ୟେଷ୍ଟି କ୍ରିୟାରେ କେବଳ ୫୦ ଜଣ ଲୋକ ଯୋଗ ଦେଇପାରିବେ ବୋଲି ବିଏମସି ତରଫରୁ ମାର୍ଗଦର୍ଶିକା ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀରେ ସଂକ୍ରମଣ ଏବେ ବଢିବାରେ ଲାଗିଛି । ତେଣୁ ଏଭଳି ସମୟରେ ସମସ୍ତ ପ୍ରକାର କନଫରେନ୍ସ,କନକ୍ଲେଭକୁ ଆୟୋଜନ କରିବାକୁ ମନା କରାଯାଇଛି । ତା ସହ ବିଭିନ୍ନ ଶିକ୍ଷାନୁଷ୍ଠାନରେ କୌଣସି ସମାରୋହ ହୋଇପାରିବ ନାହିଁ ବୋଲି ବିଏମସି ନିର୍ଦ୍ଦେଶ ଦେଇଛି । ଅନ୍ୟପଟରେ ବିଏମସିର ବିନା ଅନୁମତିରେ କୌଣସି ସାମାଜିକ କାର୍ଯ୍ୟକ୍ରମ ଭୁବନେଶ୍ୱରରେ ହୋଇପାରିବନି । ଉପରୋକ୍ତ ସମସ୍ତ କଟକଣା ଆସନ୍ତା ଏପ୍ରିଲ ୬ ତାରିଖରୁ ଲାଗୁ ହେବାକୁ ଯାଉଛି ବୋଲି ବିଏମସି ନିର୍ଦ୍ଦେଶନାମା ଜାରି କରିଛି ।
#ରାଜଧାନୀରେ_କରୋନା_କଟକଣା
ବିଏମସିର ନୂଆ ମାର୍ଗଦର୍ଶିକା
ବାହାଘର ପାଇଁ ୧୦୦ ଲୋକଙ୍କୁ ଅନୁମତି
ଅନ୍ତିମ ସଂସ୍କାର କାର୍ଯ୍ୟ ପାଇଁ ୫୦ ଜଣଙ୍କୁ ଅନୁମତି
୬ ତାରିଖରୁ ଲାଗୁ ହେବ ନୂଆ ଗାଇଡଲାଇନ
କରୋନାକୁ ଦୃଷ୍ଟିରେ ରଖି ଜାରି ହେଲା ମାର୍ଗଦର୍ଶିକା @bmcbbsr #Bhubaneswar #CoronaVirus pic.twitter.com/z5vKdzSwDf— Kanak News (@kanak_news) April 2, 2021
ଗତ କିଛି ଦିନ ହେଲା ଭୁବନେଶ୍ୱରରେ ସଂକ୍ରମଣ ବଢିବାରେ ଲାଗିଛି । କେବଳ ଭୁବନେଶ୍ୱର ନୁହେଁ, ରାଜ୍ୟରେ ମଧ୍ୟ ସଂକ୍ରମଣ ବଢିବାରେ ଲାଗିଛି । ତେଣୁ ଏହାକୁ ଆଖି ଆଗରେ ରଖି ବିଏମସି ତରଫରୁ ଏହି ନୂଆ ନିର୍ଦ୍ଦେଶନାମା ଜାରି କରାଯାଇଛି ।