କନକ ବ୍ୟୁରୋ: କରୋନା ଭାଇରସ ସଂକ୍ରମଣ ବଢ଼ିଥିବାରୁ ଭୁବନେଶ୍ୱର ମହାନଗର ନିଗମ (ବିଏମ୍ସି) ବୁଧବାର ମହାବିଦ୍ୟାଳୟ ଗୁଡ଼ିକ ପାଇଁ ମାର୍ଗଦର୍ଶିକା ଜାରି କରିଛି । ନୂଆ ମାର୍ଗଦର୍ଶିକା ଅନୁସାରେ ବିଏମ୍ସି ଅଧିନରେ ଥିବା ସମସ୍ତ ଉଚ୍ଚଶିକ୍ଷା ପ୍ରତିଷ୍ଠାନ, ଜୁନିଅର କଲେଜ ଓ ଡିଗ୍ରି କଲେଜଗୁଡ଼ିକରେ ଏହା ପାଳନ କରାଯିବ।
Kanak News is now on WhatsApp
Join and get latest news updates delivered to you via WhatsApp
ବିଏମ୍ସି ପକ୍ଷରୁ ଜାରି ମାର୍ଗଦର୍ଶିକାରେ କୁହାଯାଇଛି ଯେ, ଯେଉଁ ଛାତ୍ରଛାତ୍ରୀମାନଙ୍କର ପରୀକ୍ଷା ଶେଷ ହୋଇଯାଇଛି ଏବଂ ସେମାନଙ୍କର ପରୀକ୍ଷା ଦେବାର ନାହିଁ, ସେମାନେ ଯଥାଶୀଘ୍ର ହଷ୍ଟେଲ ପରିସର ଖାଲି କରନ୍ତୁ। ଏଥିପାଇଁ ପ୍ରତିଷ୍ଠାନର କର୍ତ୍ତୃପକ୍ଷ ପିଲାମାନଙ୍କର ଅଭିଭାବକମାନଙ୍କୁ ସୂଚନା ଦିଅନ୍ତୁ । ସେହିଭଳି ଯେଉଁପିଲାମାନଙ୍କର ପରୀକ୍ଷା ନିକଟରେ ନାହିଁ, ସେମାନେ ମଧ୍ୟ ହଷ୍ଟେଲ ପରିସର ଛାଡ଼ନ୍ତୁ। ପରୀକ୍ଷା ସମୟରେ କର୍ତ୍ତୃପକ୍ଷ ଅଭିଭାବକମାନଙ୍କୁ ସୂଚନା ପ୍ରଦାନ କରିବେ ।
ଅନ୍ୟପଟେ ହଷ୍ଟେଲ ପରିସରେ ଯେଉଁମାନେ ପରୀକ୍ଷା ପାଇଁ ରହିବାକୁ ଚାହୁଁଛନ୍ତି, ସେମାନେ ଗୋଟିଏ କୋଠରୀରେ ରୁହନ୍ତୁ। କିନ୍ତୁ ପିଲାମାନେ କୋଭିଡ ମାର୍ଗଦର୍ଶିକାକୁ କଡ଼ାକଡ଼ି ଭାବେ ପାଳନ କରନ୍ତୁ। ସବୁବେଳେ ଠିକ୍ଭାବେ ମାସ୍କ ପିନ୍ଧନ୍ତୁ। ସାମାଜିକ ଦୂରତ୍ୱକୁ ପାଳନ ସହ ମେସ୍, କମନ୍ ରୁମ୍ ଓ କରିଡରରେ ହାତ ଧୁଅନ୍ତୁ। ଛାତ୍ରଛାତ୍ରୀମାନେ ଯଦି କୋଭିଡ-୧୯ ଗାଇଡଲାଇନ୍ ଉଲ୍ଲଂଘନ କରୁଛନ୍ତି, ତେବେ ଏଥିପାଇଁ ପ୍ରତିଷ୍ଠାନର କର୍ତ୍ତୃପକ୍ଷ ଦାୟୀ ହେବେ ।