ବରିଷ୍ଠ ନାଗରିକଙ୍କ ପାଇଁ ବିଏମସିର ବଡ଼ ପଦକ୍ଷେପ । ଟୋଲ୍ ଫ୍ରି ନମ୍ବର ୧୯୨୯କୁ ଫୋନ୍ କଲେ ପାଖରେ ପାଇବେ ଟେଷ୍ଟିଂ ଠାରୁ ଟୀକାକରଣ ସୁବିଧା ।
କନକ ବ୍ୟୁରୋ: ବରିଷ୍ଠ ନାଗରିକଙ୍କ ପାଇଁ ବଡ଼ ସୁବିଧା କଲା ବିଏମସି । ୬୦ରୁ ଅଧିକ ବୟସ୍କ ଯେଉଁମାନେ ଟେଷ୍ଟିଂ ସେଣ୍ଟରକୁ ଆସିପାରୁ ନାହାନ୍ତି ସେମାନଙ୍କ ଘରକୁ ବିଏମସି ପଠାଇବ ମୋବାଇଲ୍ ଟିମ୍ । ଏନେଇ ବିଏମସି କମିଶନର ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । କେବଳ ଏତିକି ନୁହେଁ ଟେଷ୍ଟିଂ ଭଳି ଟୀକାକରଣ ପାଇଁ ମଧ୍ୟ ଟୀକାକେନ୍ଦ୍ରକୁ ଆଣି ଟୀକା ଦେଇ ଘରେ ଛାଡ଼ିବା ପାଇଁ ମଧ୍ୟ ବ୍ୟବସ୍ଥା କରାଯାଇଛି । ଆସନ୍ତା ସୋମବାରରୁ କାର୍ଯ୍ୟକ୍ଷମ ହେବ ଏହି ସୁବିଧା ବୋଲି କହିଛନ୍ତି ବିଏମସି କମିଶନର ।
Kanak News is now on WhatsApp
Join and get latest news updates delivered to you via WhatsApp
ତେବେ ବରିଷ୍ଠ ନାଗରିକଙ୍କୁ ଏହି ସୁବିଧା ପାଇବାକୁ ହେଲେ ବିଏମସି ଜାରି କରିଥିବା ଟୋଲ ଫ୍ରି ନମ୍ବର ୧୯୨୯ରେ ରେଜିଷ୍ଟ୍ରେସନ ଅବା କଲ୍ କରିବା ଆବଶ୍ୟକ । ସେଥିପାଇଁ ଆହୁରି ସଦୃଢ଼ିକରଣ କରାଯାଇଛି ୧୯୨୯ କଲ୍ ସେଣ୍ଟର । ଅଧିକ ୫ଟି ସୁବିଧା ପାଇପାରିବେ ରାଜଧାନୀବାସୀ । ତେବେ ଲକ୍ଷଣ ଥିଲେ ନଲୁଚାଇବାକୁ ପରାମର୍ଶ ଦିଆଯାଇଛି । ଏହାସହ ଟୀକାକରଣ କେନ୍ଦ୍ର ମଧ୍ୟ ବଢ଼ାଇବାକୁ ଯୋଜନା କରୁଛି ବିଏମସି । ଆଜି ଡ୍ରାଇଭ-ଇନ୍ ଭ୍ୟାକ୍ସିନେସନ୍ ଅବଧି ଶେଷ ହେଉଥିବାବେଳେ ଏହାକୁ ଜାରି ରଖିବା ପାଇଁ ବିଏମସି ନିଷ୍ପତ୍ତି ନେଇଛି । ଡ୍ରାଇଭ୍-ଇନ୍ ଭ୍ୟାକ୍ସିନେସନ୍ ପାଇଁ ଆଜି ସନ୍ଧ୍ୟରୁ ସ୍ଲଟ ବୁକିଂ ଆରମ୍ଭ ହେବ ।