ଏଣିକି ପୁଲିସକୁ ଫୋନ କଲେ ମାଗଣାରେ ମିଳିବ ରକ୍ତ । ବ୍ଲଡ୍ ଗ୍ରୁପ ନଥିଲେ ବି ତୁରନ୍ତ ଡୋନର ଯୋଗାଇ ଦେବ ପୁଲିସ୍ ।
‘ମୋ ସରକାର’ କାର୍ଯ୍ୟକ୍ରମରେ ନୂଆ ଯୋଜନା କରିଛି ସୁନ୍ଦରଗଡ ଜିଲ୍ଲା ପୁଲିସ
କନକ ବ୍ୟୁରୋ: ପୋଲିସକୁ ଫୋନ କଲେ ମାଗଣାରେ ମିଳିବ ରକ୍ତ । କଥାଟି ଅଡୁଆ ଲାଗୁଥିଲେ ବି ସତ । ଏଣିକି ୧୦୦ ନମ୍ବର ବା ପୋଲିସର ଫେସବୁକ, ଟ୍ୱିଟର ବା ସିଧାସଳଖ ଥାନା ଅଧିକାରୀ କି ରିଜର୍ଭ ଇନିସ୍ପେକ୍ଟରଙ୍କୁ ଯୋଗାଯୋଗ କଲେ ଆପଣଙ୍କୁ ରକ୍ତ ଯୋଗାଇ ଦିଆଯିବ । ଅର୍ଥାତ୍ ଆପଣଙ୍କ ବ୍ଲଡ ଗ୍ରୁପ୍ ନଥିଲେ ଆପଣଙ୍କୁ ତୁରନ୍ତ ଡୋନର ଯୋଗାଇ ଦେବ ପୋଲିସ । ଏହିଭଳି ସୁବିଧା ଆଜିଠାରୁ ସୁନ୍ଦରଗଡ ପୋଲିସ ଜିଲ୍ଲାରେ ଆରମ୍ଭ ହୋଇଛି । ମୋ ସରକାର ଯୋଜାନ ଅର୍ନ୍ତଗତ ଜିଲ୍ଲା ପୋଲିସ ଏହି କାର୍ଯ୍ୟକ୍ରମକୁ ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ଏନେଇ ସୁନ୍ଦରଗଡ ରିଜର୍ଭ ହସ୍ପିଟାଲରେ ଏକ ରକ୍ତଦାନ ଶିବିର ଆୟୋଜନ କାରଯାଇଥିଲା ଏହି ରକ୍ତଦାନ ଶିବିରରେ ଜିଲ୍ଲପାଳ ନିଖିଲ ପବନ କଲ୍ୟାଣଙ୍କ ସହ ସୁନ୍ଦରଗଡ ଏସପି ସୌମ୍ୟା ମିଶ୍ରା ରକ୍ତଦାନ କରିଥିଲେ । ଏହାପରେ ଜିଲ୍ଲା ପୋଲିସର ପାଖାପାଖି ୬୦ରୁ ଅଧିକ ଅଧିକାରୀ ରକ୍ତଦାନ କରିଛନ୍ତି । ଜିଲ୍ଲା ପୋଲିସ ୮୫୦ କର୍ମଚାରୀଙ୍କ ଏକ ଡାଟାବେଶ ତିଆରି କାରଯାଇଛି । ଏହି କର୍ମଚାରୀମାନେ ଫୋନ ପାଇଲା କ୍ଷଣି ଲୋକଙ୍କୁ ସେବା ପ୍ରଦାନ କରିବା ଆଗେଇ ଆସିବେ । ମୋ ସରକାର ତରଫରୁ ଏହିଭଳି ଏକ ଯୋଜାନ ପ୍ରଥମ କରି ସୁନ୍ଦରଗଡ ଜିଲ୍ଲାରେ କରାଯାଇଛି । ଏଥିପାଇଁ ଜିଲ୍ଲାର ସମସ୍ତ ପୋଲିସ ଅଧିକାରୀଙ୍କୁ ତାଲିମ ପ୍ରଦାନ କାରଯାଇଛି ।