ପାକିସ୍ତାନ ଲାହୋରସ୍ଥିତ ଦରଘାରେ ବିସ୍ଫୋରଣ ! ୪ ସୈନିକ ସମେତ ୫ ମୃତ୍ୟୁ , ୨୦ରୁ ଅଧିକ ଆହତ ।
ପାକିସ୍ତାନରେ ବଡ ଧରଣର ବୋମା ବିସ୍ଫୋରଣ । ଲାହୋରସ୍ଥିତ ଏକ ଦରଘା ବାହାରେ ଏହି ବିସ୍ଫୋରଣ ଘଟିଛି । ଏଥିରେ ୫ ଜଣ ପ୍ରାଣ ହରାଇଛନ୍ତି । ମୃତକଙ୍କ ମଧ୍ୟରୁ ୪ ଜଣ ପାକିସ୍ତାନ ପଞ୍ଜାବ ପୁଲିସର ଏଲିଟ ଫୋର୍ସର କମାଣ୍ଡୋ ବୋଲି ଜଣାପଡିଛି । ଏହା ସହ ୧୯ ରୁ ଅଧିକ ଆହତ ହୋଇଛନ୍ତି । ଆହତଙ୍କୁ ହସ୍ପିଟାଲରେ ଭର୍ତି କରାଯାଇଛି । ଦରଘା ଦରବାରର ଚାରିପଟୁ ସୁରକ୍ଷାକର୍ମୀ ଘେରି ରହିଛନ୍ତି । ମୃ୍ତ୍ୟୁ ସଂଖ୍ୟା ଆହୁରି ବୃଦ୍ଧି ପାଇବ ବୋଲି ଆଶଙ୍କା କରାଯାଉଛି । ୨୦୧୦ ରେ ଏଠାରେ ଏଭଳି ଏକ ବିସ୍ଫୋରଣ ଘଟିଥିଲା ଏବଂ ଏଥିରେ ୫୦ଜଣ ପ୍ରାଣ ହରାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସମାଚାର ଏଜେନ୍ସୀ ଏପି ଅନୁସାରେ ଲାହୋର ପୋଲିସ୍ ପ୍ରମୁଖ ଗଜନଫର୍ ଅଲ୍ଲିଙ୍କ କହିବାନୁସାରେ ପୋଲିସ୍ ଅଧିକାରୀ ବୁଧବାର ଧର୍ମସ୍ଥଳ ବାହାରେ ବୋମା ବିସ୍ଫୋରଣ ଟାର୍ଗେଟରେ ଥିଲେ । ତାଙ୍କ କହିବାନୁସାରେ ଯେତେବେଳେ ବିସ୍ଫୋରଣ ହେଲା ସେତେବେଳେ ଶହ ଶହ ସଂଖ୍ୟକ ଶ୍ରଦ୍ଧାଳୁ ଦରଘା ବାହାରେ ଏବଂ ଭିତରେ ଉପସ୍ଥିତ ଥିଲେ ।