ଛତିଶଗଡ ରାୟପୁର ଷ୍ଟେସନରେ ବିସ୍ଫୋରଣ । ୪ ସିଆରପଏଫ୍ ଯବାନ୍ ଆହତ
କନକ ବ୍ୟୁରୋ: ଆଜି ସକାଳୁ ଘଟିଛି ଅଭାବନୀୟ ଘଟଣା ।ରାୟପୁର ରେଲୱେ ଷ୍ଟେସନରେ ବିସ୍ଫୋରଣ ଘଟି୪ ସିଆରପିଏପ୍ ଯବାନ ଆହତ ହୋଇଛନ୍ତି । ଅଧିକ କିଛି ସୂଚନା ମିଳିନଥିଲେ ବି ୨ ନମ୍ବର ପ୍ଲାଟଫର୍ମରେ ଛିଡା ହୋଇଥିବା ଟ୍ରେନରେ ଗ୍ରେନେଡ୍ ବିସ୍ଫୋରଣ ହୋଇଛି । ଗୋଟି ବଗିରୁ ଅନ୍ୟ ଏକ ବଗିକୁ ଡେଟୋନେଟର ସ୍ଥାନାନ୍ତର ହେଉଥିବା ବେଳେ ବିସ୍ଫୋରଣ ହୋଇଥିବା ପ୍ରାଥମିକ ସୂଚନା ମିଳିଛି । ଘଟଣା ସ୍ଥଳରେ ସିଆରପିଏଫ୍ ବରିଷ୍ଠ ଅଧିକାରୀଙ୍କ ସମେତ ବିଭାଗୀୟ ଅଧିକାରୀ ମାନେ ପହଞ୍ଚି ଘଟଣାର ଯାଂଚ ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୧୧ ବି. ବାଟାଲିଅନର ଯବାନ ସ୍ୱତନ୍ତ୍ର ଟ୍ରେନରେ ଜମ୍ମୁ ଯାଉଥିଲେ । ଏହି ସମୟରେ ଗୋଟିଏ ବଗିରେ ଥିବା ଗ୍ରେନେଡକୁ ଅନ୍ୟ ଏକ ବଗିକୁ ସ୍ଥାନାନ୍ତର କରିବା ସମୟରେ ଗ୍ରେନେଡ୍ ବିସ୍ଫୋରଣ ହୋଇଥିଲା । ସକାଳ ୬ ଟା ସମୟରେ ହୋଇଥିବା ଏହି ବିସ୍ଫୋରଣରେ ୪ଜଣ ସିଆରପିଏଫ୍ ଯବାନ ଆହତ ହୋଇଥିବାବେଳେ ଏମାନଙ୍କ ମଧ୍ୟରୁ ହାବିଲଦାରଙ୍କ ଅବସ୍ଥା ଗୁୁରୁତର ରହିଛି । ତାଙ୍କୁ ନିକଟ ହସ୍ପିଟାଲରେ ଭର୍ତ୍ତି କରାଯାଇଛି ।
Chhattisgarh | Four CRPF personnel injured in an explosion caused after a box containing igniter set fell on the floor in a CRPF Special Train at Raipur railway station, says Raipur Police
— ANI (@ANI) October 16, 2021
ଏହା ପୂର୍ବରୁ ଜୁନ ୧୭ ତାରିଖରେ ସିକନ୍ଦରାବାଦରୁ ଦରଭଙ୍ଗା ଜଙ୍କସନରେ ପହଂଚିବା ପରେ ଦରଭଙ୍ଗା ଏକ୍ସପ୍ରେସରୁ ରେଡିମେଡ୍ କପଡା ପ୍ୟାକ ଅନଲୋଡ ହେଉଥିବାବେଳେ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ପାକିସ୍ତାନ କନେକ୍ସନ ଥିବା ଜଣାପଡିଥିଲା ।