କରୋନା ଭଳି ଛୁଇଁଲେ ହୁଏନି ବ୍ଲାକ ଫଙ୍ଗସ ରୋଗ । ସଫା ରହିବାକୁ, ଗରମ ପାଣି ପିଇବାକୁ ଡାକ୍ତର ଦେଲେ ପରାମର୍ଶ
କନକ ବ୍ୟୁରୋ: କରୋନା ଭିତରେ ବ୍ଲାକ ଫଙ୍ଗସ ରୋଗ ଏବେ ଆତଙ୍କ ସୃଷ୍ଟି କରିଛି । ଏହି ରୋଗକୁ ନେଇ ଏବେ ଲୋକମାନେ ଅଧିକ ଅତଙ୍କିତ ହେଉଛନ୍ତି । ହେଲେ ରୋଗକୁ ନେଇ ଆତଙ୍କିତ ନହେବାକୁ କହିଛନ୍ତି ଡାକ୍ତର । କାରଣ ଏହି ରୋଗ ସଂକ୍ରାମକ ନୁହେଁ, ଏହା କରୋନା ଭଳି ଜଣକୁ ଅନ୍ୟ ଜଣକୁ ଡେଇଁ ନଥାଏ ବୋଲି କହିଛନ୍ତି ବରିଷ୍ଠ ଡାକ୍ତର ରଣଦୀପ ଗୁଲେରିୟା । ଆଉ ଏହି ରୋଗରୁ ବଞ୍ଚିବା ପାଇଁ ସଫାସୁତରା ରହିବା ସହ ଉଷୁମ ପାଣି ପିଇବାକୁ ଡାକ୍ତର ପରାମର୍ଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଫଙ୍ଗସକୁ ଅଲଗା ଅଲଗା ରଙ୍ଗରେ ଅଲଗା ଅଲଗା ନାଁ ଦେବାର କୌଣସି ଅର୍ଥ ନାହିଁ ବୋଲି ଡାକ୍ତର କହିଥିଲେ । ଶରୀରରେ ରୋଗ ପ୍ରତିରୋଧକ ଶକ୍ତି କମ ହେବା ଏହି ରୋଗର ମୁଖ୍ୟ କାରଣ । ଏହି ରୋଗ ହେଲେ ନାକ ଭିତରେ ଯନ୍ତ୍ରଣା, ଗଳାରେ ଯନ୍ତ୍ରଣା, ପେଟରେ ଯନ୍ତ୍ରଣା ହୋଇଥାଏ ।