କନକ ବ୍ୟୁରୋ : କରୋନା ମହାମାରୀ ଭିତରେ ବ୍ଲାକ ଫଙ୍ଗସ ଭୂତାଣୁ ପୁଣି ଭାରତ ପାଇଁ ଏକ ବିପଦ ଭାବେ ଉଭୟ ହୋଇଛି । ବୟସ୍କ ଲୋକଙ୍କ ପରେ ଏବେ ଛୋଟ ପିଲାମାନଙ୍କ ଶରୀରରେ ଏହି ଭୂତାଣୁ ସଂକ୍ରମିତ ହେଉଥିବା ଦେଖିବାକୁ ମିଳିଛି । ଅହମଦାବାଦ ଠାରେ ଏକ ୧୩ ବର୍ଷର ପିଲାଠାରେ ଏହି ଭୂତାଣୁ ଚିହ୍ନଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଗୁଜୁରାଟର ଅହମଦାବାଦ ଠାରେ ଜଣେ ୧୩ ବର୍ଷର ପିଲାଠାରେ ବ୍ଲାକ ଫଙ୍ଗସ ଭୂତାଣୁ ଚିହ୍ନଟ ହେବା ପରେ ଡାକ୍ତରଙ୍କ ଚିନ୍ତା ବଢିଛି । ପିଲାଟି ଠାରେ ମ୍ୟୁକରମାଇକୋସିସ୍ ଭୂତାଣୁ ଚିହ୍ନଟ ହେବା ପରେ ଆଜି ଅହମଦାବାଦର ଏପଲ ଚିଲଡ୍ରେନ ହସ୍ପିଟାଲରେ ପିଲାଟିର ଅପରେସନ କରାଯାଇଛି । ଛୋଟ ପିଲାଙ୍କ ଶରୀରରେ ବ୍ଲାକ ଫଙ୍ଗସ ଭୂତାଣୁ ଚିହ୍ନଟ ହେବା ଏହା ଦେଶର ପ୍ରଥମ ଘଟଣା ବୋଲି କୁହାଯାଇଛି ।
କହିରଖୁ କି ବ୍ଲାକ ଫଙ୍ଗସ ଦେଖାଦେଇଥିବା ପିଲାଟି ଶରୀରରେ ପ୍ରଥମେ କରୋନା ଭୂତାଣୁ ଚିହ୍ନଟ ହୋଇଥିଲା । ଏହା ପୂର୍ବରୁ ପିଲାଟିର ମା’ ବି କରୋନା ପଜିଟିଭ୍ ଥିଲେ ।