କନକ ବ୍ୟୁରୋ: ଚଣ୍ଡିଗଡରେ ବିଜେପିର ବିଜୟ । ଆପକୁ ଚକମା ଦେଇ ବିଜେପି ମେୟର ନିର୍ବାଚନରେ ବାଜିମାତ କରିଛି । ସରବଜିତ କୌର ଚଣ୍ଡିଗଡର ନୂଆ ମେୟର ରୂପେ ନିର୍ବାଚିତ ହୋଇଛନ୍ତି । ସୂଚନା ଅନୁସାରେ, ଚଣ୍ଡିଗଡ ମେୟର ନିର୍ବାଚନରେ ଉଭୟ ଆମ ଆଦମୀ ପାର୍ଟି ଓ ବିଜେପି ୧୪ଟି ଲେଖାଏଁ ସିଟ ହାତେଇଥିଲେ । କିନ୍ତୁ ଆମ ଆଦମି ପାର୍ଟି ନେତା ଅଞୁ କତ୍ୟାଲ ଦେଇଥିବା ଭୋଟକୁ ଜାଲ ଭୋଟ ବୋଲି ଘୋଷଣା ହେବାପରେ  ବିଜେପି ମେୟର ଇଲେକ୍ସନରେ ବାଜିମାତ କରିଛି । ସେହିପରି ସିନିଅର ଡେପୁଟି ମେୟର ପଦବୀରେ ମଧ୍ୟ ବିଜେପି ବାଜିମାତ କରିଛି । ଆପ ନେତା ପ୍ରେମଲତାକୁ ୨ଟି ଭୋଟରେ ହରାଇ ବିଜେପି ନେତା ଦିଲ୍ଲୀପ ଶର୍ମା ସିନିଅର ଡେପୁଟି ମେୟରେ ପଦବୀ ପାଇଁ  ବାଜିମାତ କରିଛନ୍ତି । ଅନ୍ୟପଟେ ବିଜେପି ଏକ ଷଡଯନ୍ତ୍ର କରି ଜିତିଥିବା ଆପ ନେତା ଅଭିଯୋଗ କରିଛନ୍ତି ।