ୟୁପିରେ ବିଜେପର ଆଉଟଗୋଇଙ୍ଗ ଜାରି: ୭୨ ଘଂଟାରେ ୧୨ରୁ ଅଧିକ ବିଧାୟକଙ୍କ ଇସ୍ତଫା
କନକ ବ୍ୟୁରୋ: ନିର୍ବାଚନ ତାରିଖ ଘୋଷଣା ପରେ ପରେ ଏବେ ଘାଟାରେ ବିଜେପି । ମଙ୍ଗଳବାରରୁ ଗୁରୁବାର ଅପରାହ୍ନ ସୁଦ୍ଧା ୭୨ ଘଂଟାରେ ତିନି ମନ୍ତ୍ରୀ ସମେତ ୧୨ ବିଧାୟକ ଇସ୍ତଫା ଦେଇଛନ୍ତି । ଏଥିମଧ୍ୟରୁ ଗୁରୁବାର କେବଳ ୬ ଜଣ ବିଧାୟକ ଇସ୍ତଫା ଦେଇଛନ୍ତି । ଆଗକୁ ଏହି ସଂଖ୍ୟା ବଢିପାରେ । ପ୍ରଥମେ ମନ୍ତ୍ରୀ ଓ ଦଳରୁ ସ୍ୱାମୀ ପ୍ରସାଦ ମୌର୍ଯ୍ୟ ଇସ୍ତଫା ଦେବା ପରେ ଏବେ ତାଙ୍କୁ ଅନୁସରଣ କରି ଏବେ ଅନେକ ନେତା ଇସ୍ତଫା ଦେବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦଳ ଛାଡିବେ କି ବୋଲି ପ୍ରଶ୍ନରେ ନା ନା କହୁଥିବା ବିଧାୟକ ଧର୍ମଂ ସିଂ ମଧ୍ୟ ଗୁରୁବାର ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ଯାହାକି ବିଜେପିର ଟେନସନ ବଢାଇଛି । ଯଦିଓ ରାଜ୍ୟରେ ବଡ ପାର୍ଟି ତେଣୁ ଦଳରେ ଅସନ୍ତୋଷ ରହିବା ସ୍ୱାଭାବିକ । କିନ୍ତୁ ସ୍ୱାମୀ ପ୍ରସାଦ ମୌର୍ଯ୍ୟ ଭଳି ପଛୁଆ ବର୍ଗର ନେତା ୧୪ ତାରିଖ ଅର୍ଥାତ୍ ଶୁକ୍ରବାରକୁ ଅପେକ୍ଷା କରିବାକୁ କହିଛନ୍ତି । ତେଣୁ ଆହୁରି କିଛି ଅସନ୍ତୁଷ୍ଟ ନେତା ମନୋନୟନ ପତ୍ର ଦାଖଲ ହେବା ପୂର୍ବରୁ ଛାଡିପାରନ୍ତି । ଅନ୍ୟପଟେ ବିଜେପି ୫୦ରୁ ଅଧିକ ବିଧାୟକଙ୍କ ଟିକେଟ କାଟିବା ବୋଲି ଜଣାପଡିଛି ।
ଦଳୀୟ ବିଧାୟକ ଇସ୍ତଫା ଦେଉଥିବା ବେଳେ ଏବେ ବିଜେପି ସହିତ ମେଂଟରେ ସାମିଲ ଥିବା ଅପନା ଦଳ ମଧ୍ୟ ମେଂଟରୁ ଓହରିବ ବୋଲି ଚର୍ଚ୍ଚା ହେଉଛି । କିନ୍ତୁ ଡ୍ୟାମେଜ କଂଟ୍ରୋଲ ପାଇଁ ନିଜେ ଏବେ ମୈଦାନକୁ ଓହ୍ଲାଇଛନ୍ତି ବିଜେପିର ଚାଣକ୍ୟ । ଆଉ ୧୫ ଆସନ ନେଇ ଅପନା ଦଳ ଯେଉଁ ଦାବି କରୁଥିଲା ସେଥିରେ ସହମତି ହୋଇଥିବା ସୂଚନା ରହିଛି । ଏହାବାଦ୍ ନିଷାଦ ପାର୍ଟିର ନେତା ସଂଜୟ ନିଷାଦ ମଧ୍ୟ ୧୫ରୁ ୧୮ ଆସନ ଦାବି କରିଛନ୍ତି । ଏହାକୁ ନେଇ ଏବେ ବିଜେପି ଆଲୋଚନା କରୁଥିବା ସୂଚନା ରହିଛିା ତେବେ ଦଳ ଡିଆଁ ରହିଲେ ବି ବିଜେପି ନିର୍ବାଚନ ଜିତିବ ବୋଲି ଦାବି କରିଛନ୍ତି କେନ୍ଦ୍ରମନ୍ତ୍ରୀ ମୁକ୍ତାର ଆବାସ ନକଭୀ ।
ଅନ୍ୟପଟେ ଅସନ୍ତୁଷ୍ଟଙ୍କ ତାଲିକା ବଢୁଥିବା ଦେଖି ରାଜ୍ୟରେ ପ୍ରମୁଖ ବିରୋଧୀ ସମାଜବାଦୀ ପାର୍ଟି ମୌକାରେ ଚୌକା ମାରିବାକୁ ଲକ୍ଷ୍ୟ ରଖିଛି । ତେଣୁ ଆଗକୁ ସ୍ଥିତି ଅଣାୟତ ହେବ ଆଶଙ୍କା କରି ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ୟୁପିରେ ଟିକେଟ୍ ନେଇ ପ୍ରସ୍ତୁତି ଚାଲିଥିବା ବେଳେ ଭିଡିଓ କନଫରେନସିଂ ଜରିଆରେ ଯୋଗ ଦେଇଛନ୍ତ ପ୍ରଧାନମନ୍ତ୍ରୀ ।