ବିଜେପି ସାଂସଦଙ୍କୁ ହ୍ୱିପ୍ ଜାରି । ସଂସଦରେ ଉପସ୍ଥିତ ରହିବାକୁ ନିର୍ଦ୍ଦେଶ, ବଡ଼ ବିଲ୍ ଆଣିପାରନ୍ତି ମୋଦି ସରକାର?
କନକ ବ୍ୟୁରୋ: ସଂସଦରେ ବଜେଟ୍ ଅଧିବେଶନର ପ୍ରଥମ ପର୍ଯ୍ୟାୟର ଅନ୍ତିମ ଦିନରେ କିଛି ବଡ଼ ଘୋଷଣା କରିବାକୁ ଯାଉଛନ୍ତି ସରକାର । ଏପଟେ ଦିଲ୍ଲୀ ନିର୍ବାଚନ ଫଳାଫଳ ସ୍ପଷ୍ଟ ହେଉଥିବାବେଳେ ସଂସଦରେ ପୁଣି ମୋଦି ସରକାର କିଛି ବଡ଼ ବିଲ୍ ଘୋଷଣା କରିପାରନ୍ତି ବୋଲି ଚର୍ଚ୍ଚା ହେଉଛି । ଏପରିକି ରାଜ୍ୟସଭାର ସବୁ ସାଂସଦଙ୍କୁ ହ୍ୱିପ୍ ଜାରି କରି ଗୃହରେ ଉପସ୍ଥିତ ରହିବାକୁ ନିର୍ଦ୍ଦେଶ ଦେଇଛି ଦଳ ।
Kanak News is now on WhatsApp
Join and get latest news updates delivered to you via WhatsApp
BJP’s letter states ‘All BJP MPs of Rajya Sabha are informed that some very important Legislative work will be brought to the House on Tuesday, 11th February 2020, to be discussed and to be passed’. https://t.co/kQ03pFZ69k
— ANI (@ANI) February 10, 2020
ବିଜେପି ସାଂସଦଙ୍କୁ ଜାରି ହୋଇଥିବା ହ୍ୱିପ୍ ରେ କହୁଯାଇଛି, ଯେ, ବିଜେପିର ସବୁ ରାଜ୍ୟସଭା ସାଂସଦଙ୍କୁ ସୂଚୀତ କରାଯାଉଛି ଯେ ମଙ୍ଗଳବାର ଗୃହରେ କିଛି ଗୁରୁତ୍ୱପୂର୍ଣ୍ଣ କାର୍ଯ୍ୟଦିବସ ଉପରେ ଚର୍ଚ୍ଚା ଏବଂ ବିଲ ପାସ କରିବା ଲାଗି ଅଣାଯିବ । ତେଣୁ ବିଜେପିର ସବୁ ସାଂସଦଙ୍କୁ ଗୃହରେ ଉପସ୍ଥିତ ରହି ସରକାରଙ୍କ ନିଷ୍ପତ୍ତିକୁ ସମର୍ଥନ କରିବାକୁ ଏହି ହ୍ୱିପ୍ ରେ ନିର୍ଦ୍ଦେଶ ଦିଆଯାଇଛି । ତେବେ ଗତକାଲି ବିଳମ୍ବିତ ରାତ୍ରିରେ ବିଜେପି ଜାରି କରିଥିବା ହ୍ୱିପ୍ ପରଠୁ ଚର୍ଚ୍ଚା ବଢ଼ିବାରେ ଲାଗିଛି ।
#UniformCivilCode would be reality v soon 👍👍👍 pic.twitter.com/hY3P2S79LO
— pravin shirke🇮🇳 (@pravinshirke) February 10, 2020
ଖାସ୍ କରି ୩୭୦, ରାମମନ୍ଦିର ଏବଂ ଏନଆରସି, ସିଏଏ ଭଳି ବିଭିନ୍ନ ବିଲକୁ ମୋଦି ସରକାର ପାରିତ କରିବା ପରେ ଏବେ ୟୁନିଫର୍ମ ସିଭିଲ୍ କୋଡ୍ ବିଲ୍ କୁ ଆଣିପାରନ୍ତି ବୋଲି ସୋସିଆଲ ମିଡ଼ିଆରେ ଚର୍ଚ୍ଚା ହେଉଛି । କେବଳ ଏତିକି ନୁହେଁ ଦଳର ୨୦୧୯ ନିର୍ବାଚନୀ ଇସ୍ତାହାରରେ ପ୍ରତିଶ୍ରୁତି ଭାବେ ଦେଇଥିବା ଅନେକ ବିଲ୍ କୁ ପାରିତ କରିପାରନ୍ତି ବୋଲି ଶୁଣିବାକୁ ମିଳୁଛି ।