୨୦୨୪ ନିର୍ବାଚନ ଉପରେ ବିଜେପିର ଆଖି, ସୁନୀଲ ବଂଶଲଙ୍କୁ ୩ ରାଜ୍ୟର ଦାୟିତ୍ୱ।

57

କନକ ବ୍ୟୁରୋ: ୨୦୨୪ ଲୋକସଭା ନିର୍ବାଚନକୁ ଆଖିରେ ରଖି ଏବେଠୁ ଗୋଟି ଚଳାଇଛି ବିଜେପି । ଉତରପ୍ରଦେଶ ଭଳି ବଡ ରାଜ୍ୟରେ ଲଗାତାର ଦୁଇ ଥର ବିଜେପି ସରକାର ଗଠନ ପଛରେ ପ୍ରମୁଖ ଭୂମିକା ଥିବା ସୁନୀଲ ବଂଶଲଙ୍କୁ ୩ ରାଜ୍ୟର ପ୍ରଭାରୀ କରିଛି ବିଜେପି । ଦୀର୍ଘ ସମୟ ଧରି ସରକାରରେ ନ ଥିବା ତେଲେଙ୍ଗାନା, ପଶ୍ଚିମବଙ୍ଗ ଓ ଓଡ଼ିଶାର ଦାୟିତ୍ୱ ସୁନୀଲଙ୍କୁ ଦିଆଯାଇଛି । ଲୋକସଭା ନିର୍ବାଚନ ପୂର୍ବରୁ ୨୦୨୩ରେ ତେଲେଙ୍ଗାନା ବିଧାନସଭା ନିର୍ବାଚନ ହେଉଥିବାରୁ ସେଠାରେ ଦଳର ସ୍ଥିତି ମଜଭୁତ କରିବାକୁ ଲକ୍ଷ ରଖିଛି ବିଜେପି । ସେଥିପାଇଁ ଅମିତ ଶାହାଙ୍କ ଘନିଷ୍ଠ ସହଯୋଗୀ କୁହାଯାଉଥିବା ସୁନୀଲଙ୍କୁ ଗୁରୁ ଦାୟିତ୍ୱ ଦେଇଛି ବିଜେପି ।

୨୦୨୪ରେ ପୁଣି ଥରେ କ୍ଷମତାକୁ ଆସିବାକୁ ହେଲେ ଏହି ତିନି ରାଜ୍ୟ ବିଜେପି ପାଇଁ ଗୁରୁତ୍ୱ ବହନ କରୁଛି । କାରଣ ଏହି ତିନି ରାଜ୍ୟରେ ଦୀର୍ଘ ସମୟ ଧରି ସରକାର ପରବର୍ତନ ହୋଇନଥିବାରୁ ସରକାର ବିରୋଧୀ ହାୱା ବଢିବାରେ ଲାଗିଛି । ଯାହା ଉପରେ ନଜର ରଖିଛି ବିଜେପି ।

ସୁନୀଲ ବଂଶଲ କିଏ ?
-ସୁନୀଶ ବଂଶଲ ରାଜନୈତିକ କ୍ୟାରିୟର ରାଜସ୍ଥାନରୁ ଆରମ୍ଭ କରିଥିଲେ
-ପ୍ରଥମେ ଏବିଭିପିର ଜଣେ ସଦସ୍ୟ ଥିଲେ ସୁନୀଲ
-ପରେ ସେ ବିଜେପି ରାଷ୍ଟ୍ରୀୟ ସହ ସଙ୍ଗଠନ ସମ୍ପାଦକ ନିଯୁକ୍ତ ହୋଇଥିଲେ
-ଏହା ପରେ ଉତ୍ତରପ୍ରଦେଶର ସଙ୍ଗଠନର ସାଧାରଣ ସମ୍ପାଦକ ହୋଇଥିଲେ
-ଆରଏସ୍ଏସ୍ ସହ ତାଙ୍କର ରହିଛି ଭଲ ସମ୍ପର୍କ

ଉତ୍ତରପ୍ରଦେଶରେ କ’ଣ ଥିଲା ସୁନୀଲଙ୍କ ଭୂମିକା ?

-ଉତ୍ତରପ୍ରଦେଶର ସଙ୍ଗଠନ ମନ୍ତ୍ରୀ ଭାବେ ପରିଚିତ ଥିଲେ ସୁନୀଲ
– ଆରଏସ୍ଏସ୍ ଏବଂ ୟୁପି ବିଜେପି ସରକାର ମଧ୍ୟରେ ମଧ୍ୟସ୍ତି ଥିଲେ ସୁନୀଲ
-୨୦୧୪ ନିର୍ବାଚନ ପୂର୍ବରୁ ସୁନୀଲଙ୍କୁ ଅମିତ ଶାହା ୟୁପି ଆଣିଥିଲେ
-ସେତେବେଳେ ୟୁପି ବିଜେପି ସଭାପତି ଏବଂ ସଙ୍ଗଠନର ସାଧାରଣ ସମ୍ପାଦକ ମଧ୍ୟରେ ଚାଲିଥିବା ବିବାଦର ସମାଧାନ କରିଥିଲେ ସୁନୀଲ
-ଏବଂ ୨୦୧୪ ଲୋକସଭା ନିର୍ବାଚନରେ ବିଜେପି ୮୦ ରୁ ୭୧ଟି ଆସନ ଜିତିଥିଲା
-ପରେ ୨୦୧୭ ଏବଂ ୨୦୨୨ରେ ୟୁପି ବିଧାନସଭା ନିର୍ବାଚନରେ ମଧ୍ୟ ସଫଳତା ପାଇଥିଲା ବିଜେପି

ବିଜେପିରେ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦିଆଯାଇଥିବା ସୁନୀଲ ବଂଶଲ ଆରଏସଏସର ପ୍ରଚାରକ ମଧ୍ୟ ଅଛନ୍ତି । ଏଥିସହ ଏବିଭିପି ସଙ୍ଗଠନ କାର୍ଯ୍ୟ ମଧ୍ୟ କରୁଛନ୍ତି । ତେବେ ସୁନୀଲ ଏହି ତିନି ରାଜ୍ୟରେ ବିଜେପିକୁ ମଜଭୁତ କରିବା ପାଇଁ କିଛି ବଡ ପଦକ୍ଷେପ ନେବେ ବୋଲି ଆଶାକରାଯାଉଛି ।