ନିର୍ବାଚନ ଫଳାଫଳକୁ ନେଇ ମୁହଁ ଖୋଲିଲେ ବାବା ରାମଦେବ । କହିଲେ, ମେ ୨୩ର ଫଳାଫଳ କିଛି ନେତାଙ୍କ ବ୍ଲଡପ୍ରେସର ବଢାଇଦେବ, ତାଙ୍କୁ କପାଳଭାତି ଆସନ କରାଇବ ପତଞ୍ଜଳି ।
ଆସନ୍ତା ୨୩ରେ ଆସିବ ନିର୍ବାଚନ ଫଳାଫଳ । । ଏହି ଫଳାଫଳ ସ୍ପଷ୍ଟ କରିବ କିଏ ଧରିବ ଦେଶର ଶାସନର ମଙ୍ଗ । ପୁଣିଥରେ ମୋଦି ମ୍ୟାଜିକ ଦେଖିବାକୁ ମିଳିବ ନା କମବ୍ୟାକ୍ କରିବ କଂଗ୍ରେସ । ଆଉ ଏଭଳି ସମୟରେ ଯୋଗଗୁରୁ ବାବା ରାମଦେବ ବଡ ବୟାନ ଦେଇଛନ୍ତି । ରାମଦେବ କହିଛନ୍ତି, ମେ ୨୩ର ଫଳାଫଳ ଦେଶବାସୀଙ୍କ ପାଇଁ ମହତ୍ତ୍ୱପୂର୍ଣ୍ଣ ହେବାକୁ ଯାଉଛି । କାରଣ ଦେଶରେ ପୁଣିଥରେ ସରକାର ଗଢିବାକୁ ଯାଉଛି ଏନଡିଏ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ରାମଦେବ କହିଛନ୍ତି, ମେ ୨୩ରେ ଆସିବାକୁ ଥିବା ଫଳାଫଳ କିଛି ନେତାଙ୍କର ବ୍ଲଡ ପ୍ରେସର ବଢାଇ ଦେବ । ତେଣୁ ସେମାନଙ୍କ ବ୍ଲଡପ୍ରେସର ନିୟନ୍ତ୍ରଣ କରିବାକୁ ଅନୁଲୋମ ବିଲୋମ, କପାଲଭାତି ଯୋଗ ଆସନ କରାଇବ ପତଞ୍ଜଳୀ । ଏପରିକି ମେ ୨୩ର ଫଳାଫଳ ଏମିତି ଏକ ସରକାର ଗଢିବାକୁ ଯାଉଛି ଯିଏ ପୂରା ବିଶ୍ୱର ନେତୃତ୍ୱ କରିବାକୁ ଯାଉଛି । ଏପରିକି ବିଶ୍ୱସ୍ତରରେ ଭାରତକୁ ଶକ୍ତିଶାଳୀ କରିବାକୁ ଯାଉଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ତାଙ୍କ ଆର୍ଶୀବାଦ ରହିଛି ବୋଲି କହିଛନ୍ତି ରାମଦେବ । ଏହାଛଡା ପଶ୍ଚିମବଙ୍ଗରେ ଦେଖାଦେଇଥିବା ହିଂସାକୁ ନେଇ ରାମଦେବ କହିଛନ୍ତି ଏହା ସମ୍ପୂର୍ଣ୍ଣ ଭାବେ ଅଗଣତାନ୍ତ୍ରିକ । ଏଭଳି ନୀନ୍ଦନୀୟ କାର୍ଯ୍ୟ ପାଇଁ ଅରାଜକତା ବଢୁଥିବା କହିଛନ୍ତି ରାମଦେବ । କମଲ ହାସନଙ୍କ ହିନ୍ଦୁ ଆତଙ୍କବାଦୀ ବୟାନକୁ ନେଇ ରାମଦେବ କହିଛନ୍ତି, ସେ ଜଣେ ଭଲ ଅଭିନେତା କିନ୍ତୁ ଭଲ ନେତା ନୁହଁନ୍ତି ।