ଜେଡିୟୁକୁ ମନାଇବାକୁ ନିତୀଶଙ୍କ ପ୍ରସ୍ତାବରେ ରାଜି ହେଲା ବିଜେପି, ଜାଣନ୍ତୁ କଣ ଥିଲା ପ୍ରସଙ୍ଗ
କନକ ବ୍ୟୁରୋ : ଆଗକୁ ରହିଛି ରାଷ୍ଟ୍ରପତି ନିର୍ବାଚନ । ଏହି କ୍ରମରେ ରାଷ୍ଟ୍ରପତି ନିର୍ବାଚନରେ ଜେଡିୟୁ ବି ଏକ ବଡ ଭୂମିକା ନିର୍ବାହ କରିବ । ହେଲେ ବିହାରରେ ବିଜେପି ସହିତ ଜେଡିୟୁର ମେଣ୍ଟ ସରକାର ଥିଲେ ବି କିଛିଦିନ ହେବ ନିତୀଶ ବିଜେପି ବୋଲରେ ନଥିବା ଭଳି ମନେ ହେଉଥିଲା । ଏନେଇ ଆଜି ବିଜେପି ତରଫରୁ ନିତୀଶଙ୍କୁ ମନେଇବାକୁ ଚେଷ୍ଟା କରାଯାଇଛି । ଏକ ସୂତ୍ର ସୂଚନା ମୁତାବକ ବିହାରରେ ଜାତିଗତ ଜନଗଣନା ନେଇ ଆରମ୍ଭରୁ ବିଜେପି ଓ ଜେଡିୟୁ ମଧ୍ୟରେ ଥିବା ମତଭେଦ ଦୂର କରିବାକୁ ବିଜେପି ଏହି ପ୍ରସ୍ତାବରେ ରାଜି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବିଜେପି ଜାତିଗତ ଜନଗଣନା ପ୍ରସ୍ତାବରେ ରାଜି ହେବା ପରେ ସର୍ବଦଳୀୟ ବୈଠକ ପାଇଁ ଦିନ ଧାର୍ଯ୍ୟ ହୋଇଛି । ଜୁନ ପହିଲାରେ ଜାତିଗତ ଜନଗଣନା ପ୍ରସଙ୍ଗରେ ସର୍ବଦଳୀୟ ବୈଠକ ଡାକିଛନ୍ତି ବିହାର ମୁଖ୍ୟମନ୍ତ୍ରୀ ନିତୀଶ କୁମାର । କହିରଖୁ କି ଏହି ପ୍ରସଙ୍ଗ ମେ ୨୭ ତାରିଖରେ ସର୍ବଦଳୀୟ ବୈଠକ କରିବାକୁ ନିଷ୍ପତ୍ତି ହୋଇଥିଲା ।