ଦିଲ୍ଲୀକୁ ନେଇ ବିଜେପିର ନୂଆ ପ୍ଲାନ । କଟିବ ୫ ସାଂସଦଙ୍କ ଟିକେଟ, ମାତ୍ର ୨ଜଣ ପୁରୁଣା ସାଂସଦଙ୍କୁ ଟିକେଟ ଦେବ ବିଜେପି
କନକ ବ୍ୟୁରୋ : ଲୋକସଭା ନିର୍ବାଚନରେ ବିଜେପି ଦିଲ୍ଲୀ ପାଇଁ ନୂଆ ପ୍ଲାନ ପ୍ରସ୍ତୁତ କରିଛି । ସୂତ୍ର ସୂଚନା ମୁତାବକ ବିଜେପି କେନ୍ଦ୍ରୀୟ ନେତୃତ୍ୱ ଏକ ବଡ ନିଷ୍ପତ୍ତି ନେଇଛନ୍ତି । ଦିଲ୍ଲୀର ମୋଟ ୭ ଲୋକସଭା ଆସନ ରହିଛି ଓ ସମସ୍ତ ସାଂସଦ ବିଜେପି ସମର୍ଥିତ । ହେଲେ ଆଗକୁ ଥିବା ଲୋକସଭା ନିର୍ବାଚନରେ ବିଜେପି ଷ୍ଟାଣ୍ଡିଂ ସାଂସଦଙ୍କ ମଧ୍ୟରୁ ୫ଜଣଙ୍କର ଟିକେଟ କାଟିବାକୁ ଯାଉଛି । କେବଳ ୨ ଜଣ ସାଂସଦଙ୍କୁ ପୁଣି ଟିକେଟ ମିଳିବ ବୋଲି ଜଣାପଡିଛି । ବାକି ୫ଟି ଆସନରେ ନୂଆ ଚେହେରାଙ୍କୁ ସୁଯୋଗ ଦେବ ଦଳ । ହେଲେ ଏହି ୫ ନୂଆ ଚେହେରା କିଏ ତାହା ସ୍ପଷ୍ଟ ହୋଇପାରିନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଲୋକସଭା ନିର୍ବାଚନ ପାଇଁ ଆଶାୟୀଙ୍କ ନାମ ଉପରେ ବିଚାର ବିମର୍ଷ କରିବାକୁ ବିଜେପି ତରଫରୁ କେନ୍ଦ୍ରୀୟ ନିର୍ବାଚନ ସମିତିର ଦ୍ୱିତୀୟ ବୈଠକ ମାର୍ଚ୍ଚ ୬ ତାରିଖରେ ଅନୁଷ୍ଠିତ ହୋଇପାରେ । କୁହାଯାଉଛି କି, ବୁଧବାର ବୈଠକରେ ବିଜେପି ଆନ୍ଧ୍ରପ୍ରଦେଶ, ପଞ୍ଜାବ, ମହାରାଷ୍ଟ୍ର ଓ ବିହାର ସମେତ ଅନ୍ୟ କିଛି ରାଜ୍ୟର ଆଶାୟୀ ପ୍ରାର୍ଥୀଙ୍କ ନାମ ଉପରେ ବିଚାର କରିବ ।